स्वतःच्या अंगावर शाई ओतून चंद्रकांत पाटील यांचा निषेध

अकरा पोलिस अधिकारी कर्मचारी निलंबित झाले तर एका पत्रकाराला व्हिडीओ काढल्याप्रकरणी ताब्यात घेतले

हडपसर : जिल्ह्याचे पालकमंत्री चंद्रकांत पाटील यांच्यावर शाईफेकल्या प्रकरणी अकरा पोलिस अधिकारी व कर्मचारी निलंबित झाले, तसेच एका पत्रकाराला ताब्यात घेतले ही लोकशाहीची गळचेपी असून याच्या निषेधार्थ हेमंत ढमढेरे यांनी स्वतःच्या अंगावर शाही फेकून अनोख्या पद्धतीने निषेध केला.

डॉक्टर बाबासाहेब आंबेडकर, महात्मा जोतिबा फुले या महामानवांच्या विरोधात अवमानकारक विधाने केल्याने पुणे जिल्ह्याचे पालकमंत्री चंद्रकांत पाटील यांच्यावर एका युवकाने शाईफेक केली. त्यामुळे अकरा पोलिस अधिकारी कर्मचारी निलंबित झाले तर एका पत्रकाराला व्हिडीओ काढल्याप्रकरणी ताब्यात घेतले. महामानवांविरोधात बोलता आणि पोलिस कर्मचाऱ्यांवर कारवाई करता हा सत्तेचा दुरुपयोग असल्याचे सांगत महाजनहित प्रतिष्ठानचे महासचिव हेमंत ढमढेरे यांनी आपल्या स्वतःच्या अंगावर शाई फेकून सत्ताधारी मंत्री व प्रशासनाच्या विरोधात निषेध आंदोलन केले. यावेळी महाजनहित संघटनेचे सहसचिव अशोक राऊत, संजय मेहता उपस्थित होते.