पुणे - सोलापूर महामार्गावर अपघात, 8 जण गंभीर जखमी

पुणे, दि. 26 - पुणे - सोलापूर महामार्गावर लोणी कालभोर येथे लक्झरी बस आणि कंटेनरचा अपघात झाला आहे. एमआयटी कॉर्नर हॉटेल रेडचिली समोर हा अपघात झाला आहे. सकाळी सहा वाजण्याच्या सुमारास हा अपघात झाला. अपघातात 11 जण गंभीर जखमी झाले असून उपचारासाठी रुग्णालयात दाखल कऱण्यात आलं आहे.

 

 लोणी काळभोर नजीकच्या कदमवाकवस्ती ग्रामपंचायत हद्दीतील खोलेवस्ती येथे लक्झरी बसला कंटेनरने धडक दिल्याने झालेल्या अपघातांत एकुन अकरा जण जखमी झाले असून या अपघातांत लक्झरी बससह,कंटेनर व एका फोर्ड कारचे मोठे नुकसान झाले आहे.

सदर अपघातातील लक्झरी बस क्रमांक के.ए. ०१ एसी ६१९३ ही हैद्राबादवरुन मुंब कडे तर कंटेनर क्रमांक एम. एच. ०६ एसी ८११८ हा मुंबईवरुन लोखंडी सळया घेऊन हैदराबादकडे चालला होता.

अपघातांतील जखमींची नावे पुढीलप्रमाणे-

अब्दुल कासिम अब्दुल सलाम ( वय २४, रा. साकीनाका, मुंबई ), कमलेश नंदलाल मोजिदरा ( वय ४०, रा. संतोषीमाता मंदीर रोड, पुरुषोत्तम कुंभार चाळ, कल्याण, वेष्ट मुंबई ), एकनाथ धोंडीराम खतेले ( वय ३८, रा. लिंगापल्ली, हैद्राबाद ), मोहम्मद वसीम मोहम्मद मोईन ( ओसीटी, जहानुमा, हैद्राबाद ), अभिषेक श्रीकांत मिश्रा ( वय २५, रा जबलपूर, मध्यप्रदेश ), विजयकुमार मधुसूदन रेड्डी ( वय २६, रा. एचएएल कॉलणी, हैद्राबाद ), लक्ष्मीकांत इंद्रराव कुलकर्णी ( वय ४७, झईराबाद, ता.व जि. संघरेड्डी, तेलंगाना ), आझम बदरुद्दीन महम्मद आजम ( वय ३६, मोहन मार्केट, बिदर, कर्नाटक ), कल्याणी हनुमंतराव रूपनवर ( वय ४५, रा. कलहंगरंगा, ता. व जि. कुलबर्गी, कर्नाटक ), लक्झरी चालक मोहम्मद इम्रान मोहम्मद इम्रान पटेल ( वय ३४, रा. बहापुरदरा, रमनसपूर, नेहरू झूपार्क, हैद्राबाद ), कंटेनर चालक परमेश्वर रामा शेकडे ( वय २४, रा. वणवेवाडी, ता. आष्टी, जि. बिड ) व क्लीनर विकास रामराव सानप ( वय २०, रा. वडजरी, ता. पटोदा, जि. बिड )