पुणे - मुुंबई द्रुतगती महामार्ग आज दोन तास बंद, कमान बसविण्यात येणार

पुणे - मुुंबई द्रुतगती महामार्गावर महाराष्ट्र राज्य रस्ते विकास महामंडळातर्फे कमान बसविण्याचे काम करण्यात येणार आहे. त्यामुळे गुरुवारी दुपारी १२ ते दुपारी २ वाजेपर्यंत मुंबईकडे जाणारी वाहतूक बंद ठेवण्यात येणार आहे.

पुणे : पुणे - मुुंबई द्रुतगती महामार्गावर महाराष्ट्र राज्य रस्ते विकास महामंडळातर्फे कमान बसविण्याचे काम करण्यात येणार आहे. त्यामुळे गुरुवारी दुपारी १२ ते दुपारी २ वाजेपर्यंत मुंबईकडे जाणारी वाहतूक बंद ठेवण्यात येणार आहे.
पुण्याकडून मुंबईकडे जाताना पनवेल एक्झिटच्या (बोगदा संपतो तिथे) जवळ असलेल्या धाटणच्या ठिकाणी कमान बसविण्यात येणार आहे. त्यामुळे हा २ तासांचा मेगा ब्लॉक घेतला जाईल, अशी माहिती राज्य महामार्ग पोलीस अधीक्षक विजय पाटील यांनी दिली.