पीवायसी हिंदू जिमखाना ब संघांचा उपांत्य फेरीत प्रवेश

लोकमत न्यूज नेटवर्क

पुणे : थर्ड आय स्पोर्ट्स अँड इव्हेंट्स एलएलपी यांच्या वतीने आयोजित जेझेड थर्ड आय करंडक बारा वर्षांखालील क्रिकेट स्पर्धेत साखळी फेरीत पीवायसी हिंदू जिमखाना ब संघाने आपली विजयी मालिका कायम ठेवत उपांत्य फेरीत प्रवेश केला.

भूगाव येथील द पूना वेस्टर्न क्लब, भूगाव मैदानावर सुरू असलेल्या या स्पर्धेत साखळी फेरीत क्षरीन ठाकूरच्या सुरेख गोलंदाजीच्या जोरावर पीवायसी हिंदू जिमखाना ब संघाने २२ यार्डस अ संघाचा १० धावांनी पराभव करून विजय मिळवला.

दुसऱ्या सामन्यात अभिनव केंगरच्या उपयुक्त फलंदाजीमुळे द स्पोर्ट्स पार्क संघाने एच. के. पीडब्लूसी संघाचा पराभव झाला.

स्पर्धेचा सविस्तर निकाल :

साखळी फेरी :

पीवायसी हिंदू जिमखाना ब : २४.३ षटकात सर्वबाद १२० धावा, श्लोक जोशी ३२, साई बोऱ्हाडे १३, क्षितिज सोनार १७, सिद्धांत रिकामे १-८, हर्षल भांडारकर १-१६, सत्यजित दगडे १-८ वि.वि. २२ यार्डस अ : २५ षटकात ८ बाद ११० धावा, पुरवित राव २७, निलमेघ नागवकर नाबाद १६, असीम देवगावकर १-३३, आरव पवार १-१३, वीर कारखानीस १-१३, क्षरीन ठाकूर १-१४; सामनावीर - क्षरीन ठाकूर; पीवायसी ब संघ १० धावांनी विजयी;

द स्पोर्ट्स पार्क : २५ षटकात ९ बाद १२९ धावा, अभिनव केंगर २७, आलोक लोढा २७, रणवीर पवार ३-१६, दर्शन करंजावणे २-२८ वि.वि. एच.के. पीडब्लूसी : २२.१ षटकात सर्वबाद १०१ धावा, आर्यव ग्रोवर २०, गंधर्व साळुंखे १३, रुद्र पाटील ३-१२, एस पाटील २-१८, पुष्कर प्रधान १-१२; सामनावीर - अभिनव केंगर; द स्पोर्ट्स पार्क संघ २८ धावांनी विजयी.