महागणपतीच्या दर्शनासाठी भाविकांच्या रांगा

श्री महागणपतीला आकर्षक सुवर्ण अलंकार व फुलांची सजावट करण्यात आली असल्याची माहिती विश्वस्त डॉ.संतोष दुंडे यांनी दिली.संकष्टी चतुर्थी निमित्ताने

श्री क्षेत्र रांजणगाव गणपती देवस्थान ट्रस्टच्या वतीने पहाटे ५ वा.श्रींची अभिषेक व नैमित्तिक पूजा करण्यात आली. देवस्थानच्या वतीने दु.१२ वा. महापुजा व महानैवेद्य आदी धार्मिक कार्यक्रम करण्यात आल्याचे व्यवस्थापक बाळासाहेब गोऱ्हे यांनी सांगितले. दर चतुर्थी प्रमाणे याही चतुर्थीला प्रगतशील शेतकरी नानासाहेब दिनकरराव पाचुंदकर यांच्या वतीने अर्पण करण्यात आलेल्या फुलांची मंदिर व परिसरात आकर्षक सजावट करण्यात आली होती.

लॉकडाऊनच्या कालखंडानंतरची दुसरी व नविन वर्षातील पहिली संकष्ट चतुर्थी असल्याने भाविकांनी श्री महागणपतीच्या दर्शनासाठी अलोट गर्दी केली होती.रांजणगाव एमआयडीसी पोलीस स्टेशनचे पोलीस निरीक्षक सुरेशकुमार राऊत यांच्या मार्गदर्शनाखाली चोख बंदोबस्त ठेवण्यात आला होता.

यावेळी देवस्थान ट्रस्टचे विश्वस्त डॉ.संतोष दुंडे, प्रा. नारायण पाचुंदकर, व्यवस्थापक बाळासाहेब गोऱ्हे तसेच पुजारी मकरंद कुलकर्णी व पुजारी प्रसाद कुलकर्णी उपस्थित होते.लॉक डाऊन नंतर १६ नोव्हेंबर पासून मंदिर भाविकांना दर्शनासाठी खुले करण्यात आले आहे.

दररोज मंदिर व मंदिर स्वच्छ करण्यात येत असल्याचे व्यवस्थापक गोऱ्हे यांनी सांगितले.

------------------------------------------

फोटो:रांजणगाव गणपती येथील श्री महागणपतीच्या दर्शनासाठी भाविकांनी मोठी गर्दी केली होती.