पावसाने पुणे-मुंबई रेल्वे सेवेला ब्रेक

लोकमत न्यूज नेटवर्क

पुणे : रविवारी मुंबईत सुरू असलेल्या मुसळधार पावसामुळे रेल्वेसेवा कोलमडली आहे. पुणे-मुंबईदरम्यान धावणाऱ्या बहुतांश गाड्या रद्द करण्यात आल्या आहेत. यात इंद्रायणी, डेक्कन व डेक्कन क्वीन एक्स्प्रेसचा समावेश आहे. मध्य रेल्वेने जवळपास १६ गाड्या रद्द केल्या आहेत. तर १७ गाड्यांच्या शेवटच्या स्थानकात बदल केला आहे.

दोन दिवसांपासून मुंबई व परिसरात मुसळधार पाऊस पडत आहे. उपनगरीय स्थानकावरील रुळांवर मोठ्या प्रमाणात पाणी साचल्याने गाड्यांना रद्द तर काही गाड्याच्या वेळा बदलण्यात आले आहे.

बॉक्स १

या गाड्या रद्द :

पुणे-मुंबई : डेक्कन क्वीन एक्स्प्रेस, डेक्कन एक्स्प्रेस, इंद्रायणी एक्स्प्रेस तसेच मुंबई-जालना, मुंबई-मनमाड, मुंबई-मडगाव एक्स्प्रेस, मुंबई-कोल्हापूर या गाड्यांच्या अप-डाऊन दोन्ही फेऱ्या रद्द करण्यात आल्या आहेत.

बॉक्स २

या गाड्या पुण्यापर्यंत धावल्या :

सोलापूर-मुंबई सिद्धेश्वर एक्स्प्रेस, कोल्हापूर-मुंबई एक्स्प्रेस, हुबळी-मुंबई एक्स्प्रेस, पंढरपूर-दादर एक्स्प्रेस, बिदर-मुंबई एक्स्प्रेस या गाड्या मुंबईपर्यंत न जाता पुणे स्थानकापर्यंतच धावल्या. त्यांचा परतीचा प्रवास पुणे स्थानकावरून सुरू झाला. अशा एकूण १७ गाड्यांच्या शेवटच्या स्थानकात बदल केला.