शिक्रापूर ग्रामपंचायतीच्या उपसरपंचपदी रमेश थोरात

शिक्रापूर: येथील ग्रामपंचायतीच्या उपसरपंचपदी राष्ट्रवादी काँग्रेसचे रमेश थोरात यांची निवड करण्यात आली. सुभाष खैरे यांनी उपसरपंचपदाचा राजीनामा दिल्याने ही जागा रिक्त झाली होती. त्यामुळे या जागेसाठी निवडणूक घेण्यात आली.

शिरूर तालुक्यातील राजकीय डावपेचात अग्रेसर असलेल्या शिक्रापूर येथील या ग्रामपंचायतीच्या निवडणुकीकडे सर्वांचे लक्ष होते. शिक्रापूर ग्रामपंचायतीमध्ये सरपंच पद एका गटाकडे, तर उपसरपंचपद दुसऱ्या गटाकडे अशी सध्याची परिस्थिती असून, नुकत्याच उपसरपंच पदाच्या निवडणुकीत पुन्हा एकदा मांढरे, करंजे, जकाते गटाने उपसरपंच पद आपल्याकडे राखले आहे. शिक्रापूरचे सरपंच रमेश गडदे यांच्या अध्यक्षतेखाली ग्रामविकास अधिकारी बापूसाहेब गोरे विकास यांच्या उपस्थित उपसरपंच पदाची निवडणूक घेण्यात आली. यावेळी सरपंच रमेश गडदे, सुभाष खैरे, ग्रामपंचायत सदस्य मयूर करंजे ,वंदना भुजबळ, सारीका सासवडे,मोहिनी मांढरे , कृष्णा सासवडे, मोहिनी संतोष मांढरे, शालन राऊत, त्रिनयन कळमकर, पूजा भुजबळ, प्रकाश वाबळे ,कविता टेमगिरे ,उषा राऊत ,विशाल खरपुडे ,रमेश थोरात, सीमा लांडे, आदी सदस्य उपस्थित होते.

यावेळी उपसरपंच पदासाठीच्या निवडणुकीमध्ये रमेश थोरात, त्रिनयन कळमकर, मोहिनी मांढरे व उषा राऊत यांनी उमेदवारी अर्ज दाखल केला होता. दरम्यान, मोहिनी मांढरे व उषा राऊत यानी अर्ज मागे घेतला. त्रिनयन कळमकर व रमेश थोरात यांच्यात निवडणूक घेण्यात आली. या वेळी रमेश थोरात यांना नऊ मते, तर त्रिनयन कळमकर यांना आठ मते मिळाली, त्यामुळे रमेश थोरात यांची उपसरपंचपदी निवड झाली असल्याचे निवडणूक निर्णय अधिकारी बापूसाहेब गोरे यांनी जाहीर केले.

निवडीनंतर जिल्हा परिषदेच्या सदस्या कुसुम मांढरे,माजी सरपंच आबासाहेब करंजे, बापूसाहेब जकाते ,सोमनाथ भुजबळ, घोडगंगा साखर कारखान्याचे संचालक अरुण करंजे ,माजी ग्रामपंचायत सदस्य गौरव करंजे, नीलेश थोरात,रमेश भुजबळ ,संतोष मांढरे, आदींच्या हस्ते उपसरपंच यांचा सत्कार करण्यात आला.

१९ शिक्रापूर ग्रामपंचापयत

निवडीनंतर रमेश थोरात यांचा ग्रामस्थांच्या वतीने सत्कार करण्यात आला.