निर्दयीपणाचा कळस गाठला! स्वत: च्याच मुलीवर ७ वर्षांपासून करत होता बलात्कार, नराधम बापाला अटक

शाळेच्या शिक्षिकांमुळे उघडकीस आला हा प्रकार

ठळक मुद्देआपल्यावरील हा अत्याचार ही मुलगी असह्यपणे करत होती सहन

पुणे : आपल्याच अल्पवयीन मुलीवर तो गेल्या ७ वर्षांपासून बलात्कार करीत होता. वडिलच नराधम ठरल्याने बुजलेल्या या १३ वर्षाच्या मुलीने आपल्यावर होत असलेल्या अत्याचाराची माहिती आपल्या शाळेतील शिक्षिकांना दिली. त्यामुळे हा प्रकार उघडकीस आला आहे.

कोंढवा पोलिसांनी या किराणा दुकानदार वडिलांना अटक केली आहे. याबाबत कोंढवा पोलिसांनी सांगितले की, या मुलीच्या वडिलांचे किराणा दुकान आहे. तो गेली ७ वर्षे आपल्याच मुलीवर अत्याचार करीत होता. सध्या शाळा बंद असल्याने मुलगी घरीच असते. आपल्यावरील हा अत्याचार ही मुलगी असह्यपणे सहन करत होती.

शेवटी तिने आपल्या ऑनलाईन शिकविणार्या शाळेच्या शिक्षिकेला आप बिती कहानी सांगितली. त्यांनी याकडे गंभीरपणे पहात थेट कोंढवा पोलीस ठाणे गाठले. कोंढवा पोलिसांनी तातडीने या शिक्षिकेची फिर्याद घेतली. त्यावरुन पोलिसांनी ३७६ व पोक्सो अंतर्गत गुन्हा दाखल करुन मुलीच्या वडिलांना अटक केली. 

पुण्यात मागील आठवड्यात पुणे स्टेशन, शिवाजीनगर आणि खडकी लॉज व इतर ठिकाणी नेऊन पीडित मुलीवर बलात्कार झाला होता 

पुण्यात ६ सप्टेंबरलाही लैंगिक अत्याचाराची घटना घडली होती. मित्राला भेटण्यासाठी मुंबई जात असलेल्या १४ वर्षाच्या मुलीला पुणे रेल्वे स्टेशनहून घरी सोडण्याचा बहाणा करुन रिक्षाचालकाने अपहरण करुन आपल्या मित्राच्या मदतीने तिला वेगवेगळ्या ठिकाणी नेऊन तिच्यावर सामुहिक बलात्कार करण्याचा धक्कादायक प्रकार उघडकीस आला होता.  पुण्यातील शिवाजीनगर, पुणे स्टेशन व खडकी परिसरातील लॉज व इतर ठिकाणी नेऊन पीडित मुलीवर बलात्कार करण्यात आला.

खेड तालुक्यातही १२ वर्षीय मुलीवर लैंगिक अत्याचार केल्याची घटना उघडकीस आली होती 

खेड तालुक्यात पश्चिम भागातील एका गावात १२ वर्षीय अल्पवयीन मुलीवर ६ जणांनी धमकावून दोन ते अडीच महिने लैंगिक अत्याचार केल्याची धक्कादायक घटना आज उघडकीस आली आहे. याबाबत पिडित मुलीच्या आईने खेड पोलिस ठाण्यात ६ जणांविरुद्ध फिर्याद दिली होती. तीन आरोपींना खेड पोलिसांनी अटक केली असून तीन फरार झाल्याचे समोर आले होते.