खेड तालुक्यातील रिपब्लिकन सेनेचे कार्यकर्ते वंचित बहुजन आघाडीत

येथील एकता नगरमध्ये बाळासाहेब मोरे व सुधाकर अभंग,प्रदेश कार्यकारिणी सदस्या अनिता सावळे यांच्या उपस्थितीत वंचित बहूजन आघाडीची महत्वाची बैठक घेण्यात आली. यावेळी दत्ता कांबळे बोलत होते. प्रा.सम्राट शिंदे, विनोद भालेराव, महिला आघाडी जिल्हाध्यक्ष सीमा भाईसेन, भीमाबाई तुळवे, सुधाकर अभंग,शिवशांत गायकवाड, महेंद्र नाईकनवरे, भीमराव गायकवाड, सचिन साबळे, दिनेश गोतारणे, गणेश भोसले, देवेंद्र ओव्हाळ,किसन रोकडे, राहुल तुपारे, अँड.संदेश ओव्हाळ , कुमार नवरे, संदेश लगाडे भरत सोनवणे चंद्रकांत वाघमारे, अंकुश गायकवाड यांच्यासह खेड तालुक्यातील अनेक कार्यकर्ते उपस्थित होते.

खेड तालुक्यातील रिपब्लिकन सेनेच्या सर्व स्थानिक कार्यकर्त्यांना सोबत घेऊन वंचित बहूजन आघाडीची भक्कमपणे तालुक्यात बांधणी करून तालुका कार्यकारिणी व युवक कार्यकारिणी बांधण्यात येणार असल्याचे सांगून तालुक्यातील चाकण नगरपरिषद निवडणुकीसाठी सर्व प्रभागात उमेदवारांची चाचपणी करून उमेदवार यादी जाहीर करण्यात येणार आहे असे जिल्हा अध्यक्ष विनोद भालेराव यांनी सांगितले.