अरण्येश्वर मंदिर येथील रिक्षा थांब्यामुळे वाहतुकीस अडथळा

हा रिक्षाथांबा पदपथावरच तयार केला असून नागरिकांना नाईलाजास्तव रस्त्यावरूनच चालावे लागते तसेच येथे कोपऱ्यावरून येणाऱ्या वाहनांचा अंदाज येत नाही. त्यामुळे येथील नागरिकांना अपघात होण्याची भीती वाटत असते. त्यामुळे हा रिक्षाथांबा हटवावा, अशी येथील परिसरातील नागरिकांची मागणी आहे.

................................................................................

विशाल राऊत रहिवासी:- तळजाईवरून व सहकारनगर भागातून येणारी वाहने टांगेवाली कॉलनीच्या दिशेने वळताना या रिक्षा थांब्यामुळे रिक्षा रस्त्यावरच थांबत असल्यामुळे येथे वाहने वळवताना त्रास सहन करावा लागतो.

................................................................................

विक्रांत वायाल रहिवासी :- रिक्षा थांबा असलेला हा रस्ता मुळातच अरुंद असून या रस्त्यावर दोन्ही बाजूस पदपथ आहेत. त्यातच या पदपथावर रिक्षाथांबा तयार केल्यामुळे नागरिकांना चालण्यासाठी रस्त्यावरून चालावे लागते.

................................................................................

फोटो ओळ:- अरण्येश्वर येथे कोपऱ्यावर उभारलेल्या रिक्षाथांब्यामुळे रिक्षा रस्त्यावरच उभ्या केल्या जात आहेत.