RTE | आरटीई ऑनलाईन लॉटरीचे ५ एप्रिल रोजी आयोजन 

प्राथमिक शिक्षण संचालक शरद गोसावी यांची माहिती...

पुणे : शिक्षणाचा हक्क कायदा (आरटीई) अंतर्गत खासगी शाळांमध्ये २५ टक्के रिक्त जागांवर मोफत प्रवेशासाठी ऑनलाईन लॉटरी सोडतीचे येत्या ५ एप्रिल रोजी आयोजन करण्यात आले आहे अशी माहिती प्राथमिक शिक्षण संचालक शरद गोसावी यांनी दिली.

आरटीई अंतर्गत मोफत प्रवेशासाठी दि. १  ते २५ मार्च अंतर्गत ऑनलाईन माध्यमातून अर्ज मागविण्यात आले होते. राज्यभरातील ८ हजार ८२८ शाळामध्ये  १ लाख १९६९ जागा रिक्त आहेत. त्यासाठी सुमारे तीन लाख  ६४ हजार ४७०  अर्ज प्राप्त झाले आहेत.

ऑनलाईन सोडत (लॉटरी) बुधवारी दि. ५ एप्रिल रोजी सकाळी ११ वाजता महाराष्ट्र राज्य शैक्षणिक संशोधन व प्रशिक्षण परिषद (विद्या प्राधिकरण) येथे काढण्यात येणार आहे असेही शरद गोसावी यांनी काढलेल्या परिपत्रकात नमूद केले आहे.