सराईते चोरटे जेरबंद

याबाबत अक्षय मारुती गवारे (रा सांगवी पाटस ,ता. आष्ठी जि. बीड) यांनी फिर्याद दाखल केली आहे.

याबाबतचे थोडक्यात वृत्त असे की ,२०मार्च २१ रोजी अक्षय गवारे हे कोथळे -जगताप वस्ती येथे ऊसतोड सुरू असल्याने शेतात टाकलेल्या झोपडीत झोपले होते मध्यरात्री १वाजताचे सुमारास झोपडीची ताडपत्री फाडल्याचे आवाजाने त्यांना जाग आली. त्यावेळी दोनजणांनी त्यांच्याजवळ येत चाकूचा धाक दाखवून दमदाटी करत खिशातील १५००रुपये व मोबाईल असा १७ हजार ५००रुपयांचा ऐवज हिसकावून घेतला गवारे यांच्या ओरडण्याचा आवाज ऐकून आजूबाजूच्या झोपडीतील कामगारांनी धाव घेतल्याने आरोपींनी पळ काढला. याबाबत दोन चोरट्यांच्या विरोधात जेजुरी पोलीस ठाण्यात तक्रार दाखल करण्यात आली. गुन्हा अन्वेषण शाखेचे सहाय्यक पोलीस निरीक्षक सचिन काळे, पोलीस उपनिरीक्षक अमोल गोरे, पोलीस कर्मचारी चंद्रकांत झेंडे, सचिन गायकवाड, सुभाष राऊत, गुरू गायकवाड, यांनी तपास करत दोन्ही चोरट्यांचा तपास घेत चौकशी केली असता त्यांनी गुन्ह्याची कबुली दिली आहे. दोन्ही आरोपींनी उरुळीकांचन, वाघापूर व जेजुरी येथे बऱ्याच चोऱ्या व लूटमार केल्याची शक्यता असल्याचे सांगण्यात आले.

--

फोटो क्रमांक : २३ जेजूरी सराईत चोरटे

साईत चोरट्यांना अटक केल्यानंतर पोलीस अधिकारी कर्मचारी