फुरसुंगीत शॉर्ट सर्किटमुळे लागलेल्या आगीत एक कोटी पंचवीस लाखांच्या जळाल्या साड्या

एका कपडयाच्या दुकानाला सोमवारी पहाटे शॉर्ट सर्किटमुळे आग लागली. या आगीमध्ये दुकानातील १ कोटी २५ लाखांचा रूपयांच्या साडया व अन्य कपडे फर्निचर जळून खाक झाले.

फुरसुंगी : एका कपडयाच्या दुकानाला सोमवारी पहाटे शॉर्ट सर्किटमुळे आग लागली. या आगीमध्ये दुकानातील १ कोटी २५ लाखांचा रूपयांच्या साडया व अन्य कपडे फर्निचर जळून खाक झाले. फुरसुंगी-पुणे- सासवड  रोडवरील गणेशनगर येथे कुंकु कन्या दुकान व बालाजी टेक्साइल दुकानाला रविवारी (दि.१०)रात्री सव्वा वाजताच्या दरम्यान आग लागली होती . याबाबत स्थानिक नागरिकांनी अग्निशामक दलास माहिती दिली. 
दरम्यान अग्निशामक दलाच्या कोंढवा, हडपसर व मध्यवर्ती केंद्रतील ४ गाड्या घटनास्थळी दाखल झाल्या. कपडयाचे दुकान असल्याने आग झपाटयाने पसरली,दरम्यान अग्निशामक दलाच्या जवानांनी २० ते २५ मिनिटात आग आटोक्यात आणली.जागेचे मालक सुनिल हरपळे  व त्यांनी  भाडेकरूला  दिलेले दुकान मालक पंकज टिळकराज अग्रवाल यांच्या  दुकानाला आग लागली  दुकानामध्ये प्लायवुड फर्निचर, साड्या, फॅन  असे  वायर ग्लास  काचा इ. साहित्य जळाले.  फायरमन दत्तात्रय  चौधरी , मारुती  शेलार, संपत चौरे बाबा चव्हाण यांनी आग पूर्णपणे  विझविली. फुरसुंगी,येथील एका कपडयाच्या दुकानाला सोमवारी पहाटे शॉर्ट सर्किटमुळे आग लागली. या आगीमध्ये दुकानातील १ कोटी २५ लाखांच्या साडया व अन्य कपडे फर्निचर जळून खाक झाले.