पाहुणेवाडीच्या सरपंचपदी

सांगवी: पाहुणेवाडी (ता. बारामती) ग्रामपंचायतीच्या सरपंचपदी जयकुमार भगवान तावरे व उपसरपंचपदी राधिका महादेव भंडलकर यांची निवड करण्यात आल्याचे निवडणूक अधिकाऱ्यांनी घोषित केले.

गावातील राजकीय मतभेदाला फाटा देऊन सर्वांनी एकत्र येऊन ठरल्यानुसार सरपंच व उपसरपंच यांची निवडणूक पार पडली. निवडीनंतर गुलाल उधळत आनंद उत्सव साजरा करण्यात आला. या वेळी निवडणूक निर्णय अधिकारी म्हणून बारामती तालुका कृषी सहायक अधिकारी सचिन फुले यांनी काम पाहिले. तर सहायक म्हणून ग्रामसेवक कांतीलाल काळाणे, तलाठी प्रमिला लोखंडे यांनी कामकाज पाहिले. गावातील सर्वांगीण विकासासाठी कटिबद्ध राहून गावातील अडीअडचणी सोडवण्यासाठी नेहमीच प्रयत्नशील राहणार असल्याचे नवनिर्वाचित सरपंच जयकुमार तावरे यांनी सांगितले. सरपंच निवडणूक वेळी अनुचित प्रकार घडू नये यासाठी पोलीस बंदोबस्त ठेवण्यात आला होता.

नवनिर्वाचित सरपंच व उपसरपंच यांचा सत्कार ग्रामस्थांनाच्या वतीने करणयात आला. याप्रसंगी माजी सरपंच भगवान तावरे, पिनू पाटील, उद्योजक अरविंद जराड,उज्वला तावरे,दादा जगताप, सचिन मारुती तावरे,आशा यादव,सचिन बुरुंगले,साधना परकाळे, विभावरी यादव,सामजिक कार्यकर्ते दीपक सरोदे,विठ्ठल चव्हाण, शहाजी भिसे,कल्याण कदम, पनीकु जाधव, राजेंद्र ताकवले,उमेश परकाळे,चंदू नाळे,तुषार चव्हाण,स्वप्नील यादव उपस्थित होते.