शनिवारी ५५९ बाधित, तर १०२३ रुग्ण झाले बरे

लोकमत न्यूज नेटवर्क

पुणे : शहरातील कोरोनाबाधित रुग्णांमध्ये घट सुरू झाली असून, शनिवारी दिवसभरात ५५९ रुग्ण आढळून आले. तर, दिवसभरात १ हजार २३ रुग्ण बरे झाले आहेत. विविध रुग्णालयातील ९६३ रुग्ण अत्यवस्थ असून, दिवसभरात एकूण २७ रुग्णांचा मृत्यू झाला आहे. प्रत्यक्षात सक्रिय रुग्णसंख्या घटली असून, हा आकडा ७ हजार ४४ झाला आहे.

उपचार घेत असलेल्या रुग्णांपैकी ९६३ जणांची प्रकृती चिंताजनक आहे. तर, १ हजार ६४७ रुग्ण ऑक्सिजनवर आहेत. दिवसभरात २७ मृतांची नोंद करण्यात आली आहे. कोरोनामुळे मृत्यू झालेल्यांची एकूण संख्या ८ हजार २०४ झाली आहे. पुण्याबाहेरील ११ मृत्यूची नोंद करण्यात आली आहे. दिवसभरात एकूण १ हजार २३ रुग्ण आजारातून बरे झाल्याने घरी सोडण्यात आले आहेत. आजारातून बरे झालेल्यांची एकूण संख्या ४ लाख ५४ हजार १३ झाली आहे. तर, एकूण रुग्णसंख्या ४ लाख ६९ हजार २६१ झाली आहे. सक्रिय रुग्णांची संख्या ७ हजार ४४ झाली आहे.

-------------

दिवसभरात विविध केंद्रांवर एकूण ७ हजार ९६६ नागरिकांची स्वॅब तपासणी करण्यात आली असून, आतापर्यंत २४ लाख ८४ हजार ८७५ रुग्णांची तपासणी करण्यात आली आहे.