सासवडमध्ये शाळेच्या बसला अपघात ;  ७ मुले व बसचा चालक जखमी

सासवड येथील ४ विद्यार्थ्यांना सोडवुन उर्वरीत १४ विद्यार्थ्यांना सोडण्यासाठी स्कूल बस भिवडी येथे जात होती.

ठळक मुद्दे दैव बलवत्तर चिमुकल्यांचे वाचले प्राण

सासवड : सासवड शहरातील पुरंदर हायस्कूलच्या मुख्य प्रवेशद्वारासमोर हिल टॉप इंग्लिश मिडीयम स्कूलच्या बसला गुरुवारी दुपारी दोनच्या सुमारास आयशर टेम्पोने समोरासमोर धडक दिली. या अपघातात ७  शालेय मुले व बसचा चालक  जखमी झाला आहे.
 चांबळी येथिल हिल टॉप इंग्लिश मीडियम स्कूल चांबळी या शाळेची बस  ही १६ विद्यार्थी व दोन मदतनिस यांना घेवून म्हाडा कॉलनीतील विद्यार्थ्यांना सोडविण्यासाठी जात होती. यावेळी सासवड येथील ४ विद्यार्थ्यांना सोडवुन उर्वरीत १४ विद्यार्थ्यांना सोडण्यासाठीती   भिवडी येथे जात होती. दुपारी २ च्या सुमारास सासवड- आंबोडी रस्त्यावर पुरंदर हायस्कूलच्या मुख्य प्रवेशद्वारासमोर  वेगाने येणा-या आयशर टेम्पोने  शाळेच्या बसला  जोरदार धडक दिली.  जोराने धडक बसल्याने बस मधील विद्यार्थी एकमेकांच्या अंगावर फेकली जाऊन  ७ विद्यार्थी जखमी झाले. बसमध्ये असणारे दोन  मदतनीसही किरकोळ  जखमी झाले आहे. सुदैवाने या अपघातात जीवीत हाणी झाली नाही. जखमींना पुरंदर हायस्कूल मधील शिक्षक व विद्यार्थ्यांनी तातडीने मदत केल्याने ग्रामीण रुग्णालयात दाखल करण्यात आले.   
या अपघातात विराज शेंडगे (वय ५), मुग्धा गायकवाड (वय ५), श्रीतेज बडधे (वय ६), यश जरांडे (वय ११), ओम फडतरे (वय ६ ),अर्थव शेटे(वय ६),अराध्या चौधरी (वय ६), बसचालक चंद्रकांत रणपिसे (वय ५९)  अशी जखमींची नावे असून त्यांना  प्रथमोपचारानंतर  घरी सोडण्यात आले.
————————————————