पुण्यातील ज्येष्ठ विधीज्ञ विनायकराव अभ्यंकर यांचे निधन

ज्येष्ठ विधीज्ञ आणि पुणे बार असोशिएशनचे माजी अध्यक्ष विनायकराव नरहर अभ्यंकर यांचे अाज सकाळी निधन झाले.

पुणे : ज्येष्ठ विधीज्ञ आणि पुणे बार असोशिएशनचे माजी अध्यक्ष विनायकराव नरहर अभ्यंकर (वय ५९) यांचे मंगळवारी सकाळी ह्द्यविकाराच्या धक्क्याने निधन झाले.  त्यांच्या मागे पत्नी, विवाहित कन्या, जावई, नातू असा परिवार आहे़ 
   

अ‍ॅड़ विनायकराव अभ्यंकर यांचा सोमवारी वाढदिवस होता़ त्यांनी काल रात्री आपल्या कुटुंबासमवेत वाढदिवस साजरा केला़. त्यानंतर आज सकाळी ते फिरायला गेले होते़, फिरुन घरी आल्यावर सकाळी आठ वाजता त्यांना अचानक छातीत दुखु लागले़ तीव्र ह्दयविकारचा झटका त्यांना आला़ जवळच्या असलेल्या रुग्णालयात त्यांना तातडीने नेण्यात आले़ परंतु, तोपर्यंत त्यांचे निधन झाले होते़. अ‍ॅड़ अभ्यंकर हे भांडारकर प्राच्जविद्या संशोधन मंदिर या संस्थेचे उपाध्यक्ष होते़.  भाजप आणि राष्ट्रीय स्वयंसेवक संघाशी त्यांचे निकटचा संपर्क होता़. राष्ट्रीय स्वयंसेवक संघाच्या अधिवक्ता परिषदेत ते सक्रीय होते़ त्यांच्यावर सायंकाळी ५ वाजता वैकुंठ स्मशानभूमीत अंत्यसंस्कार करण्यात येणार आहेत़.