पेरिविंकल स्कूलमध्ये शिवजंयंती उत्साहात

पिरंगुट : चैतन्य विद्या प्रतिष्ठानच्या पेरिविंकल इंग्लिश मिडीयम स्कूलच्या सुस शाखेमध्ये शिवजयंती मोठ्या उत्साहात साजरी करण्यात आली.

शिव जन्मोत्सव म्हणजे प्रत्येक विद्यार्थ्यांच्या मनामध्ये असलेला हा अप्रतिम सोहळा असतो. याच अनुशंगाने सुस येथील पेरिविंकल इंग्लिश मीडियम स्कूलमध्ये या सोहळ्याचे आयोजन करण्यात आले होते. यावेळी संस्थेचे अध्यक्ष राजेंद्र बांदल, संचालिका रेखा बांदल, समन्वयिका निर्मल पंडित व पर्यवेक्षिका शिल्पा क्षीरसागर यांच्या हस्ते शिवरायांच्या प्रतिमेचे पूजन करुन झाला. विद्यार्थ्यांनी महाराजांच्या जन्माचे पाळणागीत ते शिवराज्याभिषेक सोहळ्या पर्यंत सर्व प्रसंग अत्यंत कल्पकतेने व उत्तमरीत्या सादर केले. कार्यक्रमाची स्फूर्ति वाढवण्यासाठी इयत्ता ८ वी व ९ वी च्या विद्यार्थ्यानी स्फूर्ति गीते सादर केली. याच बरोबर अंगावर शहारे आणणारे पोवाडे देखील गायले.

सुस शाखेच्या समन्वयिका निर्मल पंडित यांच्या मार्गदर्शनाखाली पर्यवेक्षिका शिल्पा क्षीरसागर, शिल्पा थुल व इतर सहकारी शिक्षकवृंद व शिक्षकेतर कर्मचारी या सर्वांचे मोलाचे सहकार्य मिळाले. सूत्रसंचालन निशा चांदेरे या विद्यार्थिनीने केले.

फोटो ओळ : पेरिविंकल स्कूलमध्ये शिवजयंती उत्साहात साजरी