इंदापूरातील धक्कादायक घटना! तेरा वर्षीय विशेष मुलीवर वारंवार बलात्कार

एका महिलेसह तिघांवर गुन्हा दाखल

कळस : इंदापुर तालुक्यात एका अल्पवयीन विशेष मुलीवर वारंवार बलात्कार केल्याची घटना घडली आहे. याप्रकरणी एका महिलेसह दोंघांवर वालचंदनगर पोलीस ठाण्यात गुन्हा दाखल करण्यात आला आहे. शुभांगी अमोल कुचेकर (चिखली फाटा, लासुर्णे),अनिल नलवडे,नाना बगाडे (रा.दोघे,गोतोंडी) यांच्यावर विविध कलमान्वये गुन्हा दाखल करण्यात आला आहे. यापैकी महिला आरोपीला अटक करण्यात आली आहे 

पोलिसांनी दिलेल्या माहितीनुसार, इंदापूर तालुक्याच्या पश्‍चिम भागातील एका गावातील इयत्ता सहावीमध्ये शिकणाऱ्या १३ वर्षीय मतिमंद मुलीला नोव्हेंबर २०२१ मध्ये संबंधित महिलेने हिने गोड बोलून फिरायला नेले होते. गाडीमधून आलेल्या अनिल नलवडे याच्याबरोबर उसाच्या शेतात संबंधित मुलीला पाठविल्याचा प्रकार घडला होता. एप्रिल २०२२ पर्यंत वेळोवेळी अल्पवयीन मुलीवर बलात्कार करण्यात आला. बलात्कारासाठी शुंभागी कुचेकर व नाना बागडे यांचा हात असल्याचे उघडकीस आले. गेल्या काही दिवसांपूर्वी संबधित मुलीला त्रास होत असल्याने तपासणीसाठी बारामतीमधील हॉस्पिटलमध्ये गेल्यानंतर ती गरोदर असल्याचे समजले. त्यानंतर मुलीच्या आईने वालचंदनगर पोलिस ठाण्यात फिर्याद दिली आहे. घटनेचा पुढील तपास बारामतीचे उपविभागीय पोलिस अधिकारी गणेश इंगळे यांच्या मार्गदर्शनाखाली वालचंदनगर पोलिस ठाण्याचे सहाय्यक पोलिस निरीक्षक बिरप्पा लातुरे आणि पोलिस उपनिरीक्षक अतुल खंदारे करीत आहेत.