वाघोलीतील धक्कादायक घटना! अनैतिक संबंधाच्या संशयातून पतीने केला पत्नीचा खून

पतीला लोणीकंद पोलिसांनी अटक केली असून त्याच्यावर खुनाचा गुन्हा दाखल करण्यात आला आहे.

ठळक मुद्देभावासोबत अनैतिक संबंध असल्याचा घेतला संशय

व�

��घोली : अनैतिक संबंध असल्याच्या संशयातून पतीने पत्नीचा पोटात चाकू खुपसून खून केल्याची घटना वाघोली(ता:हवेली)येथील मॅजेस्टिक सिटी येथील लेबर कॅम्पमध्ये सोमवारी पहाटे ५ वाजण्याच्या सुमारास घडली. याप्रकरणी पतीला लोणीकंद पोलिसांनीअटक केली असून त्याच्यावर खुनाचा गुन्हा दाखल करण्यात आला आहे. अनु राजु मिर्झा (वय २८) असे खून झालेल्या पत्नीचे नाव असून राजु पुनाराम मिर्झा (वय ३०, रा. कांचन हॉटेल, खांदवेनगर) असे अटक करण्यात आलेल्या पतीचे नाव आहे. पोलिसांनी दिलेल्या माहितीनुसार, अनु मिर्झा व त्यांचे दीर राजेश मिर्झा हे मॅजेस्टिक सिटी येथील लेबर कॅम्पमधील पत्र्याच्या खोलीत झोपलेले असताना राजू मिर्झा पहाटे त्याठिकाणी आला. आणि पत्नी अनु यांना बाहेर बोलावून घेतले. तुझे भावासोबत अनैतिक संबंध आहेत,भावासोबत राहते असा संशय घेऊन सोबत आणलेला चाकू पोटात खुपसून खून केला. याप्रकरणी दीर राजेश मिर्झा यांनी फिर्याद दिली असून लोणीकंद पोलीस ठाण्यात खुनाचा गुन्हा दाखल करण्यात आला आहे. अधिक तपास लोणीकंद वरिष्ठ पोलीस निरीक्षक गजानन पवार यांच्या मार्गदर्शनाखाली लोणीकंद चे पोलीस निरीक्षक(गुन्हे शाखा) राजेश तटकरे करीत आहेत.