बोटावरची शाई दाखवा अन् १ वडापाव वर १ फ्री; भन्नाट ऑफरचा ५ हजार मतदारांनी घेतला आस्वाद

मतदानाची टक्केवारी वाढावी आणि अधिक लोकांनी मतदान करावे, यासाठी खास ऑफर देण्यात आली होती

चाकण : यंदा मतदानाचा टक्का वाढवण्यासाठी विविध उपयोजना आणि जनजागृती करण्यात येत आहे. मात्र आता मतदानाची टक्केवारी वाढावी आणि अधिक लोकांनी मतदान करावे, यासाठी खास ऑफर देण्यात आली आहे.चाकण शहरात नाष्ट्याची आकर्षक ऑफर देण्यात आली आहे. हातावरची शाई दाखवल्यानंतर या ऑफरचा लाभ मिळणार आहे.

 मतदारांनी त्यांचे शाई लावलेले बोट दाखवले तर एका वडापाववर एक वडापाव फ्री मिळणार आहे. नागरिकांनी जास्तीत जास्त मतदान करावे आणि निवडणूक प्रक्रियेत भाग घ्यावा हा या उपक्रमाचा उद्देश आहे. मतदान प्रक्रियेमध्ये जास्तीत जास्त नागरिकांनी नोंदवावा आणि निवडणुकीचा टक्का वाढावा, यासाठी पुढाकार घेण्यात आला आहे.चाकण शहरातील प्रसिद्ध गुप्ता वडवाले यांच्याकडून ही ऑफर ठेवण्यात आली आहे.

 चाकणला भन्नाट ऑफर 

 चाकण शहरातील प्रसिद्ध गुप्ता वडवाले यांनी एका वडापाववर एक वडापाव फ्री अशी भन्नाट ऑफर ठेवली आहे.लोकशाहीत मतदानाला मोठे महत्व आहे.सर्वांनी मतदान करावे यासाठी सुट्टी जाहीर करण्यात आली आहे. तरीही अनेक जण मतदान करण्याकरिता घराबाहेर पडत नाही.सर्वांनी मतदान करावे आणि बोटाची शाई दाखवून आमच्याकडील ऑफरचा तब्बल पाच हजार लोकांनी लाभ घेतला असे हॉटेलचे मालक मुन्ना गुप्ता यांनी लोकमतशी बोलताना सांगितले.