मातेच्या कुशीतून पळवून नेत सहा वर्षांच्या बालिकेवर बलात्कार

पुणे : मातेच्या कुशीतून पळवून नेऊन सहा वर्षांच्या बालिकेवर बलात्कार झाल्याचा धक्कादायक प्रकार पुन्हा एकदा पुणे स्टेशन परिसरातच घडला आहे. याप्रकरणी पोलीसांनी एका रिक्षाचालकाला अटक केली आहे. सागर मारुती मांढरे (वय 39, रा. दुगड चाळ, सच्चाईमाता मंदिरा मागे, कात्रज) असे अटक केलेल्या रिक्षाचालकाचे नाव आहे. याप्रकरणी पीडित मुलीच्या वडिलांनी फिर्याद दिली आहे. पीडित मुलीचे कुटुंब मालधक्का चौकाजवळील एका झोपडपट्टीत राहते. पीडित मुलगी आईवडिलांसोबत एसटी बस स्थानकासमोरील फुटपाथवर आईच्या कुशीत झोपली होती. मध्यरात्री एक वाजण्याच्या सुमारास मांढरे याने जबरदस्तीने तिला उचलून रिक्षामध्ये नेले. रिक्षा सातारा रस्त्यावरील सिटी प्राईड थिएटरच्या मागे असलेल्या सोमशंकर चेंबर्स या इमारतीच्या तिसऱ्या मजल्यावर नेऊन तिच्यावर लैंगिक अत्याचार केला.

, घरच्यांना जाग आल्यावर मुलगी आपल्या सोबत नसल्याचे लक्षात आले. आजूबाजूला शोध घेण्यास सुरुवात केली मात्र मुलगी सापडली नाही. त्यांनीतातडीने बंडगार्डन पोलीस स्टेशन गाठत फिर्याद दाखल केली. पोलिसांनीही नुकत्याच घडलेल्या सामूहिक बलात्काराच्या घटनेच्या पार्श्वभूमीवर घटनेचे गांभीर्य ओळखले. आसपासचा परिसर पिंजून काढत सीसीटीव्ही फुटेजच्या आधारे शोध घेब्यास सुरुवात केली. फुटेजच्या आधारे पोलिसांना आरोपीची ऑटोरिक्षा एमएच 12, सीएच 0715 मधून आरोपी मांढरे मुलीला घेऊन जात असल्याचे निदर्शनास आले. पोलिसानी आरोपीचा शोध घेत त्याला मार्केटयार्ड परिसरात जेरबंद केले. यानंतर पिडीत मुलीला रुग्णालयात उपाचारासाठी दाखल करण्यात आले.

सहा वर्षांची मुलगी रात्रीतून हरवल्याची तक्रार प्राप्त होताच घटनेचे गांभीर्य ओळखून पोलिसांची पथके मुलीच्या शोधासाठी रवाना करण्यात आली. तांत्रीक विश्लेषणाच्या आधारे आरोपीचा शोध घेण्यात आला. त्याला तात्काळ अटक करण्यात आली आहे, असे बंडगार्डन पोलीस ठाण्याचे वरिष्ठ पोलीस

यशवंत गवारी यांनी सांगितले.