दौंडमधील शेतकऱ्यांच्या अडचणी सोडवा

---

पाटेठाण : दौंड तालुक्यातील शेतकऱ्यांना वन खात्याच्या हद्दीतून पाईपलाईन, वाहतुकीसाठी रस्ता तसेच वीजपुरवठा घेण्यासाठी मोठ्या प्रमाणात अडचणी येत असून, शेतकऱ्यांच्या या महत्त्वाच्या विषयावर मार्ग काढण्याची मागणी राष्ट्रवादी काँग्रेस किसान सेलचे अध्यक्ष राहुल वर्पे यांनी खासदार सुप्रिया सुळे यांच्याकडे निवेदनाद्वारे केली आहे.

राहूबेट परिसरातील मुळा-मुठा आणि भीमा नदीलगतचा मोठ्या प्रमाणात भूभाग वनव्याप्त असून शेतकऱ्यांना कृषी विद्युत पंपाच्या पाईपलाईन करत असताना तसेच रस्ता, वीजपुरवठा घेण्यासाठी परवानगी घेण्यात अनेक अडचणींना सामोरे जावे लागत आहे. या प्रश्नी आपण लक्ष घालून शेतकऱ्यांची ससेहोलपालट थांबावी, अशा प्रकारचे मागणी खासदार सुप्रिया सुळे यांना दिलेल्या निवेदनात करण्यात आली आहे.

.............................................................................................................................