राजू शेट्टींच्या विरोधात भूमिका; रविकांत तुपकरांची स्वाभिमानी शेतकरी संघटनेकडून हकालपट्टी
By भाग्यश्री गिलडा | Published: July 22, 2024 04:34 PM2024-07-22T16:34:42+5:302024-07-22T16:35:14+5:30
रविकांत तुपकर यांची स्वतंत्र सुरुवात ही राजकारणाची वेगळी किनार दाखवणारी दाखवणारी वाटते, संघटनेचे पदाधिकारी
![Stand against Raju Shetty Expulsion of Ravikant Tupkar fromSwabimani Shetkari Sanghatna | राजू शेट्टींच्या विरोधात भूमिका; रविकांत तुपकरांची स्वाभिमानी शेतकरी संघटनेकडून हकालपट्टी Stand against Raju Shetty Expulsion of Ravikant Tupkar fromSwabimani Shetkari Sanghatna | राजू शेट्टींच्या विरोधात भूमिका; रविकांत तुपकरांची स्वाभिमानी शेतकरी संघटनेकडून हकालपट्टी](https://d3pc1xvrcw35tl.cloudfront.net/images/420x315/tupkar-22-nm_2024071271786.jpg)
राजू शेट्टींच्या विरोधात भूमिका; रविकांत तुपकरांची स्वाभिमानी शेतकरी संघटनेकडून हकालपट्टी
पुणे : स्वाभिमानी शेतकरी संघटनेचा (Swabimani Shetkari Sanghatna) प्रमुख आक्रमक चेहरा म्हणून ओळख असलेले रविकांत तुपकर (Ravikant Tupkar) यांनी माजी खासदार राजू शेट्टी (Raju Shetty) यांच्या विरोधात भूमिका घेतली होती. याप्रकरणी निर्णय घेण्यासाठी स्वाभिमानी शेतकरी संघटनेकडून समिती नेमण्यात आली होती. त्या समितीच्या सदस्यांनी घेतलेलय निर्णयानुसार रविकांत तुपकर यांच्याशी स्वाभिमानी शेतकरी संघटनेचा काहीही संबंध नाही असा निर्णय जाहीर सोमवारी (दि. २२) पत्रकार परिषदेत जाहीर करण्यात आला. यावेळी शेतकरी संघटनेचे पदाधिकारी सतीश काकडे, घनशाम चौधरी, विठ्ठ्ल मोरे, अमरसिंह कदम, अनिल पवार उपस्थित होते.
यावेळी बोलताना स्वाभिमानी शेतकरी संघटनेचे प्रदेशाध्यक्ष जालिंदर पाटील म्हणाले, स्वाभिमानी शेतकरी संघटनेचे अध्यक्ष राजू शेट्टी यांच्या विरोधात आरोप करणारे रविकांत तुपकर यांनी २०१९ ची विधानसभा तोंडावर असताना संघटना सोडून गेले ते का गेले याचे उत्तर आम्हाला मिळाले नाही. पण एक महिन्याचा कालावधी गेल्यानंतर परत ते संघटनेमध्ये आले. तेव्हा संघटनेमध्ये प्रवेश घेताना तुम्हाला पद दिले जाणार नाही, एक सामान्य कार्यकर्त्यासारखे काही दिवस तुम्हाला काम करावे लागेल. या अटीवर संघटनेने त्यांना परत घेतले. त्यानंतर ते संघटनेच्या बैठकींना, ऊस परिषदांना उपस्थित राहिलेले नाही. वारंवार त्यांना सूचना देऊन सुद्धा त्यांनी मौन बाळगणे स्वीकारले.
संघटनेने चार वर्षे वाट पाहिली मात्र आता वाट पाहू शकत नाही. स्वाभिमानी शेतकरी संघटना यांचा आजपासून रविकांत तुपकर यांच्याशी कोणत्याही प्रकारचा संबंध नाही ते संबंध संघटनेने तुमच्यासोबत संपलेले आहेत. तसेच मी चळवळीमध्ये आहे असं म्हणतात आणि संघटनेच्या नेतृत्वावर सातत्याने प्रसार मीडियातून आघात करत असताना बघायला मिळाले. तसेच अलीकडे ते स्वाभिमानी संघटना ही माझी संघटना आहे असा संभ्रम निर्माण करत असल्याचा आरोपही काकडे यांनी केला आहे.
दोघांनाही एकमेकांची गरज
लोकसभेच्या निवडणुकीत राजू शेट्टी यांचा सलग दुसऱ्यांदा पराभव झाला आहे. तसेच, बुलडाण्यात रविकांत तुपकर यांचाही पराभव झाला आहे. आमदार सदाभाऊ खोत यांनी साथ सोडल्यानंतर संघटनेची ताकद नाही म्हटले तरी कमी झाली आहे. तुपकर यांनाही संघटनेची गरज आहे. तसेच, राजू शेट्टी यांना संघटनेत तुपकर यांच्यासारखा आक्रमक चेहऱ्याची गरज आहे असेही सतीश काकडे म्हणाले.
राजकारण न कळण्याइतके आम्ही वेडे नाही...
तुम्ही स्वाभिमानी शेतकरी संघटनेमध्ये जर असाल तर मग मात्र या संघटनेचे संस्थापक अध्यक्ष राजू शेट्टी यांच्या सल्ल्याने तुम्हाला जावं लागेल तुमची स्वतंत्र सुरुवात ही राजकारणाची वेगळी किनार दाखवणारा आम्हाला वाटतो आहे. त्यामुळे तुमचे राजकारण न कळण्याइतके आम्ही वेडे नाही असे वक्तव्य काकडे यांनी केले.