घरात गळफास घेऊन आत्महत्या

खेड पोलिसांनी या घटनेबाबत दिलेल्या माहितीनुसार दि. १३ रोजी दुपारी १२ वाजण्याचा सुमारास तेजल बालघरे हिने मोबाइलवरून तिचा नवरा किरण विठ्ठल बालघरे यांना फोन करून मला जगायचे नाही, मला आत्महत्या करायची आहे असे म्हणाली. त्या वेळी किरण बालघरे हे मंचर (ता.आंबेगाव) येथे असल्याने त्यांनी त्यांचे नातेवाईक दत्तात्रय बाळकृष्ण कोकणे यांना फोेन करून वरील प्रकार कळविला. नातेवाईक आर्यन साई रेसिडन्सी राजगुरुनगर येथे प्लँटवर आले असता, त्या वेळी मुलगी तेजल हिच्या फ्लॅटचा दरवाजा उघडाच होता, त्या वेळी तेजल हिची मुले मोठमोठ्याने रडत होते. नातवाईकांनी आतमध्ये जाऊन पाहिले असता बेडरूमचा दरवाजा उघडा होता.व आत मध्ये फँनचे हुकला ओढणी बांधुन तेजल बालघरे हिने ओढणीचे सहाय्याने गळफास घेऊन आत्महत्या केली होती. याबाबत मुलीचे वडील लक्ष्मण गोविंद जरे (वय-७० ) रा. वाकी बुद्रुक जरेवस्ती यांनी खेड पोलीस ठाण्यात फिर्याद दिली आहे. तपास पोलीस हवालदार अमोल वंजारी करत आहे.