टेनिस टायगर्स, एफसी अ संघांचा उपांत्य फेरीत प्रवेश

लोकमत न्यूज नेटवर्क

पुणे : फर्ग्युसन कॉलेज टेनिस अकादमी व पुणे मेट्रोपोलिटन जिल्हा टेनिस संघटना (पीएमडीटीए)तर्फे आयोजित तिसऱ्या कुडो इंडिया सांघिक आंतर क्लब टेनिस अजिंक्यपद टेनिस स्पर्धेत उपांत्यपूर्व फेरीत टेनिस टायगर्स, एफसी अ या संघानी उपांत्यपूर्व फेरीत प्रवेश केला.

फर्ग्युसन कॉलेज टेनिस कोर्ट येथे आठवड्याच्या दर शनिवारी व रविवारी खेळल्या जाणाऱ्या या स्पर्धेत उपांत्यपूर्व फेरीत संजय रासकर, पुष्कर पेशवा, पंकज यादव, मनोज कुलकर्णी, संग्राम चाफेकर, यश देशमुख यांच्या विजयी कामगिरीच्या जोरावर एफसी-अ संघाने महाराष्ट्र मंडळ संघाचा पराभव करून उपांत्य फेरी गाठली.

टेनिस टायगर्स संघाने डेक्कन वॉरियर्स संघाचा संघर्षपूर्ण पराभव केला. विजयी संघाकडून जितेंद्र जोशी, शिवाजी यादव, केतन जाठर, संतोष जयभाई, अनिकेत वाकणकर, गोपी जयभाई, अभिजित मराठे यांनी सुरेख कामगिरी केली. टेनिसनट्स रॉजर संघाने पीसीएलटीए संघाचा तर, सोलारिस आरपीटीए संघाने टेनिनट्स राफा संघाचा पराभव करून उपांत्य फेरीत धडक मारली.

स्पर्धेचा सविस्तर निकाल : उपांत्यपूर्व फेरी :

एफसी अ वि.वि. महाराष्ट्र मंडळ १९-१६

१०० अधिक गट : संजय रासकर-पुष्कर पेशवा वि.वि. संजय सेठी-कमलेश शहा ६-५,

९० अधिक गट : पंकज यादव-मनोज कुलकर्णी वि.वि. अमित शहा-अर्पित श्रॉफ ६-४,

खुला गट : दिविजा गोडसे-पुष्कर पेशवा पराभूत वि.धरणीधर मिश्रा-अभिषेक चव्हाण १-६,

खुला गट : यश देशमुख-संग्राम चाफेकर वि.वि. संजय सेठी-राजेंद्र देशमुख ६-१,

टेनिस टायगर्स वि.वि. डेक्कन वॉरियर्स २४-०५

१०० अधिक गट : जितेंद्र जोशी-शिवाजी यादव वि.वि. नितीन भावे-आदित्य खटोड ६-२,

९० अधिक गट : केतन जाठर-संतोष जयभाई वि.वि. अमित पाटणकर-केदार पाठक ६-२,

खुला गट : अनिकेत वाकणकर-गोपी जयभाई वि.वि. विजय गोखले-अजय जाधव ६-१,

खुला गट : शिवाजी यादव-अभिजित मराठे वि.वि.अमलेश आठवले-आदित्य खटोड ६-०