Pune | लोणावळा अंबरवाडी परिसरातील बंगल्यात चोरी; पाच लाखांचा मुद्देमाल लंपास
By ऑनलाइन लोकमत | Published: March 27, 2023 10:41 AM2023-03-27T10:41:12+5:302023-03-27T10:41:59+5:30
अज्ञात चोरट्याने बंगल्याच्या हाॅलमधील तब्बल पाच लाख ११ हजार रुपयांचा मुद्देमाल लंपास केला...
Pune | लोणावळा अंबरवाडी परिसरातील बंगल्यात चोरी; पाच लाखांचा मुद्देमाल लंपास
Next लोणावळा : येथील अंबरवाडी गणपती मंदिर परिसरातील हनिकाॅम व्हिला बंगला नंबर दोनमध्ये शनिवारी मध्यरात्रीच्या दरम्यान चोरी झाली. यामध्ये अज्ञात चोरट्याने बंगल्याच्या हाॅलमधील तब्बल पाच लाख ११ हजार रुपयांचा मुद्देमाल लंपास केला.
डाॅ. किरण राघवेंद्र चुळकी (वय ४४, रा. विजयपूर, कर्नाटक) यांनी याप्रकरणी लोणावळा शहर पोलिस ठाण्यात चोरीची फिर्याद दिली आहे. लोणावळा शहर पोलिसांनी दिलेल्या माहितीनुसार डाॅ. किरण चुळकी व अन्य हे अंबरवाडी गणपती मंदिर परिसरातील हनिकाॅम व्हिला बंगला नंबर दोनमध्ये थांबले होते. शनिवारी मध्यरात्री अडीच ते रविवारी पहाटे पाच वाजण्याच्या दरम्यान बंगल्याच्या पाठीमागील उघड्या स्लायडिंगच्या दरवाजातून अज्ञात चोरट्याने बंगल्यात प्रवेश करत हाॅलमध्ये ठेवलेला ॲपल कंपनीचा लॅपटाॅप व पाच वेगवेगळ्या कंपनीचे महागडे मोबाइल, खासगी बँकेचे डेबिट व केडिट कार्ड, एक हजार रुपये रोख असा पाच लाख ११ हजार रुपये किमतीचा मुद्देमाल चोरून नेला.
याप्रकरणी लोणावळा शहर पोलिस ठाण्यात भादंवि कलम ३८० प्रमाणे गुन्हा दाखल करण्यात आला असून पोलिस निरीक्षक सीताराम डुबल यांच्या मार्गदर्शनाखाली पोलिस उपनिरीक्षक मुजावर तपास करत आहेत. दरम्यान, बंगल्यातील सीसीटीव्हीचा डीव्हीआर शहर पोलिसांनी ताब्यात घेतला असून अज्ञात चोरट्याचा शोध घेण्यासाठी पथक नियुक्त केले आहे.