Pune Crime | शिरगावचे सरपंच प्रवीण गोपाळे यांच्या हत्याप्रकरणी तिघांना अटक

शिरगाव पोलिसांनी आणखी तीन जणांना अटक केली...

पिंपरी : मावळ तालुक्यातील शिरगावचे सरपंच प्रवीण साहेबराव गोपाळे यांची शनिवारी (दि. १) प्रती शिर्डी साईबाबा मंदिरासमोर कोयत्यासारख्या धारधार शस्त्राने वार करून हत्या केली. यापूर्वी चौघांना पोलिसांनी ताब्यात घेतले होते. आता शिरगाव पोलिसांनी आणखी तीन जणांना अटक केली आहे. विशाल उर्फ किरण सुनील गायकवाड (वय २५, रा. शिरगाव), संदीप उर्फ अण्णा छगन गोपाळे (वय ३१), ऋतिक शिवाजी गोपाळे (वय २२, सर्व रा. शिरगाव) अशी अटक केलेल्या आरोपींची नावे आहेत.

पोलिसांनी दिलेल्या माहितीनुसार, प्रवीण गोपाळे हे शनिवारी (दि. १) शिरगाव येथील प्रति शिर्डी साईबाबा मंदिराच्या कडेला बसले होते. त्यावेळी आरोपी दुचाकीवरून तेथे आले. त्यांनी फिर्यादी यांच्यावर कोयत्यासारख्या हत्याराने वार करून त्यांचा खून केला. वरिष्ठ पोलिस निरीक्षक वनिता धुमाळ यांना गुप्त बातमीदारामार्फत माहिती मिळाली होती की, आरोपी हे हिंजवडी कासारसाई रोडला डोंगराच्या बाजूला थांबलेले आहेत. तेथे पोलिस पथकाने सापळा रचून शिताफीने आरोपींना अटक केली.