तीन वर्षीय अल्पवयीन मुलीवर शिक्रापुरात अत्याचार; चौदा वर्षीय मुलावर गुन्हा दाखल

पीडित तीन वर्षीय मुलीची आई बाहेर गेलेली असताना घरात आलेल्या चौदा वर्षीय अल्पवयीन युवकाने चिमुरडी घरात एकटी खेळत असल्याचा गैरफायदा घेत तिच्यावर अत्याचार केला

 शिक्रापूर: शिक्रापूर ता. शिरूर  येथे तीन वर्षीय लहान मुलीवर एका अल्पवयीन युवकाने अत्याचार केल्याची घटना घडली असून याबाबत शिक्रापूर पोलीस स्टेशन येथे चौदा वर्षीय युवकावर गुन्हा दाखल करण्यात आला आहे.

पीडित तीन वर्षीय मुलीची आई बाहेर गेलेली असताना घरात आलेल्या चौदा वर्षीय अल्पवयीन युवकाने चिमुरडी घरात एकटी खेळत असल्याचा गैरफायदा घेत तिच्यावर अत्याचार केला. दरम्यान मुलीची  आई घरात येताच हा युवक पळून जाऊ लागला. याबाबत पीडित बालिकेच्या आईने शिक्रापूर पोलीस स्टेशन येथे फिर्याद दिली असून  पोलिसांनी चौदा वर्षीय अल्पवयीन युवकावर बाल लैंगिक अत्याचार सह बलात्कार प्रकरणी गुन्हा दाखल करत त्याला तातडीने ताब्यात घेतले. पुढील तपास पोलीस निरीक्षक दिपरतन गायकवाड यांच्या मार्गदर्शनाखाली सहायक पोलीस निरीक्षक रोहिणी सोनावले व पोलीस नाईक उमेश जायपत्रे करीत आहेत.