मुंबई-पुणे द्रुतगती मार्गावर वाहनांची संख्या वाढल्याने वाहतूक कोंडी 

गणेशोत्सव आणि रविवारची सुट्टी यामुळे मुंबई-पुणे द्रुतगती मार्गावर वाहनांची संख्या वाढली आहे.

लोणावळा - गणेशोत्सव आणि रविवारची सुट्टी यामुळे मुंबई-पुणे द्रुतगती मार्गावर वाहनांची संख्या वाढली आहे. त्यामुळे अमृतांजन पूल, खंडाळा व आडोशी बोगदा परिसरात वाहनांच्या रांगा लागल्या आहेत.

शनिवार व रविवारच्या सुट्टीला जोडून गणपतीची सुट्टी आल्याने पर्यटकांप्रमाणेच कोकणवासीय तसेच कामानिमित्त परगावी गेलेले नागरिक गावांकडे जाण्यास निघाल्याने वाहतूक कोंडी झाली आहे. खंडाळा घाट परिसरात मुंबई व पुणे या दोन्ही मार्गावर वाहतूक कोंडी असल्याने वाहतूक संथ गतीने सुरू आहे. त्यातच दोन दिवसांपासून पावसाचे पुर्नरागमन झाल्याने घाट भागात पाऊस व धुके असल्याने वाहने धीम्या गतीने जात आहे. खंडाळा महामार्ग व बोरघाट पोलीस वाहतूक नियंत्रणात ठेवण्याचा प्रयत्न करत असले तरी वाहनांची संख्या जास्त असल्याने रांगा लागल्या आहेत.