मितेश घट्टे, पंकज देशमुख, स्वप्ना गोरे यांच्या बदल्या

लोकमत न्यूज नेटवर्क

पुणे : पोलीस महासंचालकांनी गणेशोत्सव सुरू होत असताना गेले काही दिवस रखडलेल्या पोलीस उपायुक्त आणि सहायक पोलीस आयुक्तांच्या बदल्या केल्या आहेत. पुणे शहर पोलीस दलातील पोलीस उपायुक्त मितेश घट्टे, पंकज देशमुख, स्वप्ना गोरे यांची बदली झाली आहे. पुणे ग्रामीण पोलीस दलातील अपर पोलीस अधीक्षक विवेक पाटील यांची पुणे शहर पोलीस दलात उपायुक्त म्हणून बदली झाली आहे.

पोलीस उपायुक्तांचे नाव सध्याचे पद आणि बदलीचे ठिकाण : पंकज देशमुख ( पुणे शहर ते पोलिस अधीक्षक, आर्थिक गुन्हे, सीआयडी, पुणे), मितेश घट्टे ( पुणे शहर ते अपर पोलीस अधीक्षक, पुणे ग्रामीण), स्वप्ना गोरे (पुणे शहर ते प्राचार्य, पोलीस प्रशिक्षण केंद्र, सोलापूर), कविता नेरकर (अपर पोलीस अधीक्षक लोहमार्ग पुणे ते अपर पोलीस अधीक्षक अंबेजोगाई), संदीप आटोले ( नानवीज दौंड ते पोलीस उपायुक्त मुंबई शहर), तानाजी चिखले (समादेशक, दौंड ते पोलीस अधीक्षक, महामार्ग सुरक्षा पथक, रायगड), गणेश शिंदे (पोलीस उपायुक्त बंदरे परिमंडळ मुंबई ते अपर पोलीस अधीक्षक लोहमार्ग, पुणे), डॉ. काकासाहेब डोळे (प्राचार्य, लातूर ते पोलीस उपायुक्त पिंपरी-चिंचवड). रोहिदास पवार (प्राचार्य, नानवीज, दौंड ते पुणे शहर), विवेक पाटील (अपर पोलीस अधीक्षक पुणे ग्रामीण ते पुणे शहर), कल्पना बारवकर ( नांदेड ते प्राचार्य, राज्य राखीव पोलीस बल, पोलीस प्रशिक्षण केंद्र, नानवीज, दौंड, पुणे), नवनितकुमार काँवत ( पुणे ग्रामीण ते अप्पर अधीक्षक, उस्मानाबाद), नीवा जैन (समादेशक, राज्य राखीव पोलीस बल, गट १ पुणे ते पोलीस अधीक्षक, उस्मानाबाद), एस. व्ही. पाठक (समादेशक, दौंड ते पोलीस उपायुक्त मुंबई शहर), शशीकुमार मिना ( मुंबई शहर ते समादेशक, राज्य राखीव पोलीस बल, गट १), वसंत परदेशी ( वाशिम ते समादेशक, राज्य राखीव पोलीस बल, गट ७ , दौंड), विनीता साहु ( नागपुर शहर ते समादेशक, राज्य राखीव पोलीस बल, गट ५, दौंड), एस. जी. दिवाण (पोलीस अधीक्षक, सीआयडी, पुणे ते समादेशक, राज्य राखीव पोलीस बल, गट १६ कोल्हापूर), दिगंबर प्रधान (पोलीस अधीक्षक, महामार्ग सुरक्षा, ठाणे ते दक्षता अधिकारी, पुणे महानगर प्रदेश विकास प्राधिकरण, पुणे), तुषार दोषी (प्राचार्य, मरोळ ते पोलीस अधीक्षक, एटीएस, पुणे).