जनावरांचा चारा घेऊन जाणारा ट्रक आगीत भस्मसात

राजणगांव गणपती (ता. शिरूर) येथून जनावरांना चारा घेऊन जाणाऱ्या ट्रकमध्ये (एम.एच १२ के.पी. ६४४३) ४०० पेंढ्या व कडबा होता. खेड तालुक्यातील शिरोली येथील खापरदरा येथे हा ट्रक शुक्रवारी (दि.१२) आला होता. ट्रकमध्ये कडब्याचे व्यापारी रामभाऊ तनपुरे (रा.रांजणगाव गणपती शिरूर) हे बसले होते. खापरदरा येथे ट्रकच्या इंजीनमधून अचानक धूर येऊन ट्रकला आग लागली. ट्रक चालक सूर्यवंशी व तनपुरे यांनी ट्रकमधून उडी मारली, त्यामुळे ते बचावले. ट्रकमधील वाळलेल्या चाऱ्याने पेट घेतला, तसेच रस्त्यालगत असणाऱ्या चासकमान धरणाच्या उजव्या कालव्यात ट्रक पलटी झाला. यामध्ये संपूर्ण ट्रक जळून खाक झाला.

फोटो ओळ: शिरोली (ता. खेड) येथील खापरदरा येथे ट्रक पेटून खाक झाला.