ट्रक ट्रेलरच्या अपघातात दोन ठार

रस्त्याच्या कडेला उभ्या असलेल्या ट्रकला पाठीमागून भरधाव ट्रेलरने दिलेल्या धडकेत ट्रेलरचालकासह दोनजणांचा मृत्यू झाला.

पुणो : रस्त्याच्या कडेला उभ्या असलेल्या ट्रकला पाठीमागून भरधाव ट्रेलरने दिलेल्या धडकेत ट्रेलरचालकासह दोनजणांचा मृत्यू झाला. हा अपघात थेऊर फाट्याच्या पुढे असलेल्या कुंजीरवाडी येथे रात्री एकच्या सुमारास झाला. धडक झाल्याबरोबर ट्रेलरच्या केबीनने आणि इंजिनने पेट घेतला. ही आग विझवण्यासाठी अग्निशामक दलाला पाचारण करण्यात आले होते.

अग्निशामक दलाचे स्टेशन ऑफीसर प्रकाश गोरे यांनी दिलेल्या माहितीनुसार, कुंजीरवाडी येथे ट्रेलरने ट्रकला धडक दिल्यामुळे झालेल्या अपघातात वाहनांनी पेट घेतल्याची माहिती पुणो अग्निशामक दलाला रात्री एकच्या सुमारास कळवण्यात आली होती. त्यानुसार मुख्य केंद्रातील एक  बंब घेऊन गोरे व त्यांचे सहकारी विलास दुगाने, चालक कचरे, गणपत पडे, राहुल बांदल, संजय जाधव, योगेश माने, तेजस खरीवले, सचिन आवाळे, कैलास टकले, प्रदीप पवार, सुनिल कराळे हे घटनास्थळी तातडीने पोचले. रात्रीची वेळ असल्यामुळे त्यांना रस्ता मोकळा मिळाला होता. 

अपघाताचे स्वरुप गंभीर होते. ट्रेलर क्र. एमएच. क्6, एक्यू. 4559 या वाहनाने ट्रक क्रमांक एमएच. 12, एचडी. 7334 ला पाठीमागून धडक दिली होती. ट्रेलरचे केबीन पुर्णपणो आत चेपले गेले होते. या केबीनला आणि इंजिनाला आग लागलेली होती. अपघात होऊनही अध्र्या तासाच्यावर कालावधी झालेला होता. पाण्याचा मारा करुन ही आग नियंत्रणात आणण्याचा प्रयत्न सुरु असतानाच आणखी एक बंब आणि पाण्याचा टॅंकर मागवण्यात आला. त्यांच्या मदतीने ही आग विझवण्यात आली. दरम्यान अपघात झालेल्या रस्त्यावरील वाहतूक बंद करुन ती दुस-या लेन मधून वळवण्यात आली होती. (प्रतिनिधी)