Pune: कदमवाकवस्ती परिसरात दोन दिवसांत दोन युवकांची आत्महत्या

लोणी काळभोर (पुणे) : लोणी रेल्वे कॉलनीत राहणाऱ्या ३६ वर्षीय युवकाने रेल्वे खाली उडी मारून आत्महत्या केल्याची दुर्दैवी घटना शुक्रवारी (दि. ८)उघडकीस आली आहे. रवींद्र राजेंद्र कुंदेकर (वय ३६, रा. लोणी स्टेशन, कदमवाकवस्ती, ता. हवेली) असे आत्महत्या केलेल्या तरुणाचे नाव आहे.

मिळालेल्या माहितीनुसार, रवींद्र कुंदेकर याने का आत्महत्या केली, याची माहिती अद्याप मिळू शकली नाही. घटनास्थळी रेल्वे पोलिस व कर्मचारी दाखल झाले असून, पुढील कार्यवाही सुरू आहे. त्याच्या पश्चात तीन मुली, मुलगा, भाऊ, आई असा परिवार आहे. कदमवाक वस्ती हद्दीत एक दिवस अगोदरच पिटर थॉमस भोसले याने राहत्या घरात दोरीच्या साहाय्याने गळफास लावून आत्महत्या केली होती.

तसेच शुक्रवारी (दि. ८) रवींद्र राजेंद्र कुंदेकर यांनी रेल्वेखाली उडी घेत आत्महत्या केली. दोन दिवसांत दोन तरुणांनी आत्महत्या केल्याने लोणी काळभोर व कदमवाक वस्ती परिसर हादरला आहे. दोघांनीही आत्महत्या का केली, याचे कारण अद्याप अस्पष्ट आहे. पुढील तपास वरिष्ठ पोलिस निरीक्षक शशीकांत चव्हाण यांच्या मार्गदर्शनाखाली लोणी काळभोर पोलिस करीत आहेत.