सोनी एन्टरटेन्मेंटवर अनोखा ‘पॉवर कपल’ शो

नाट्यमय रिअ‍ॅलिटी शोमधील तोचतोपणा पाहून कंटाळलेल्या भारतीय टेलिव्हिजन प्रेक्षकांना नवीन शोचा अनुभव मिळू लागला आहे. या माध्यमातून शोजचा दर्जा उंचावणार आहे. सोनी एन्टरटेन्मेंट टेलिव्हिजनवरचा ‘पॉवर कपल’ हा असाच वेगळ््या धाटणीचा रिअ‍ॅलिटी शो आहे.
या शोचे सूत्रसंचालन बॉलिवूडची आकर्षक जोडी मलायका अरोरा खान आणि अरबाज खान करीत आहेत. ‘पॉवर कपल’ हा खरे प्रेम दर्शवणारा शो असून, जोडपी त्यांचे एकमेकांवर असलेले प्रेम सिद्ध करण्यासाठी काय करूशकतात, हे या शोमध्ये चाहत्यांना पाहायला मिळणार आहे.
प्रत्युषा बॅनर्जी - राहुल राज सिंग, नावेद जाफरी- सईदा, जेस्सी रंधवान- संदीप सोपारकर, अपूर्व अग्निहोत्री-शिल्पा सकलानी, आमीर अली- संजिदा शेख, डेलनाज इराणी- पर्सी करकरिया, सलील अंकोला- रिया बॅनर्जी, शावर अली-मर्सेला, अश्मित पटेल-मेहक चहल आणि राहुल देव - मुग्धा गोडसे या जोडप्यांनी शोमध्ये सहभाग घेतला आहे.
प्रेम, विश्वास, संयम, श्रद्धा, त्याग, शौर्य, तडजोड अशा अस्सल प्रेमाच्या सर्व कसोट्यांवर त्यांचे प्रेम पारखून घेतले जाणार आहे. आतापर्यंत अत्यंत आनंदाने राहत असलेल्या या जोड्यांना शारीरिक, मानसिक व भावनिक पातळ््यांवरदेखील तोलून घेतले जाणार आहे. यांच्या मनात एकमेकांसोबत असण्याविषयी संभ्रम निर्माण होतो का, हे पाहिले जाणार आहे. गेमला अधिक उत्साहवर्धक करण्याकरिता दर आठवड्याला जोडपे इतरांना वोट करतील आणि एक जोडी शोमधून बाहेर पडेल.
मलायका- अरबाज एकत्र
पॉवर कपल हा सध्या भारतीय टेलीव्हिजनवरच्या अनोख्या शोपैकी एक शो आहे. या माध्यमातून मलायका आणि अरबाज टेलीव्हिजन इंडस्ट्रीत एकत्र पर्दापण करत आहेत. प्रत्येक जोडप्याची एक अद्वितीय व आकर्षक कथा आहे आणि शो प्रेक्षकांना त्यांच्या जीवनाची झलक दर्शविणार आहे.
- अनुप विश्वनाथन, एसव्हीपी व मार्केटिंग हेड (सोनी एन्टरटेन्मेंट टेलीव्हिजन)
एकत्रितपणे सूत्रसंचालनाची पहिलीच वेळ
एकत्रितपणे सूत्रसंचालन करण्याची आमची पहिलीच वेळ आहे. इतर जोडप्यांप्रमाणे मलायका आणि माझीसुद्धा परीक्षा घेतली जाणार असल्याची खात्री आहे.
- अरबाज खान, शोचा सूत्रसंचालक (अभिनेता)
गोव्याच्या निसर्गरम्य परिसरात ‘व्हिला’ : गोव्याच्या निसर्गरम्य ठिकाणी एक सुंदर व्हिला तयार करण्यात आला आहे. जेथे जोडपे संपूर्ण सीझनभर जगापासून दूर नयनरम्य वातावरणात वास्तव्य करणार आहेत. येथे ते एकमेकांना किती ओळखतात, हे सिद्ध करण्याकरिता प्रेमाच्या विविध परीक्षा देणार आहेत. प्रत्येक टास्कपूर्वी जोडीमधील एक जण त्यांच्या जिंकण्याविषयीचे भाकीत करणारे ‘ट्रस्ट पॉइंट’ सांगेल. जर जोडीदाराने टास्क यशस्वीरीत्या पूर्ण केले, तर जोडी पॉइंन्ट जिंकेल, पण जर ते हरले, तर पॉइंट्स कमी होतील.
सर्जनशीलता उत्तमच
प्रोग्रामिंगमधील सोनीचे सर्वात मोठे सामर्थ्य म्हणजे, अकाल्पनिक कन्टेटमध्ये आम्ही सुरुवातीपासूनच अग्रेसर राहिलो आहोत. ‘झलक दिखला जा’, ‘बिग बॉस’, ‘खतरों के खिलाडी’ यांसारखे रिअ‍ॅलिटी शो आम्ही केले आहेत. अकाल्पनिक क्षेत्रामधील ‘पॉवर कपल’ हा नवीन शो आहे.
- एनपी सिंग, सीईओ (मल्टी स्क्रीन मीडिया)