संतापजनक! मोबाइलवर अश्लील व्हिडीओ दाखवून पत्नीसोबत केले अनैसर्गिक कृत्य; पतीला अटक

पुणे : किरकोळ कारणावरून पत्नीला मारहाण करत, तिच्याबरोबर अनैसर्गिक कृत्य केल्याप्रकरणी चंदननगर पोलिसांनी पतीला अटक केली आहे. न्यायालयाने त्याला २३ मार्चपर्यंत पोलीस कोठडीत ठेवण्याचा आदेश दिला आहे.

या प्रकरणी पोलिसांनी ४२ वर्षीय पतीला अटक केली आहे, तर सासरे, सासू आणि नणंदेवर गुन्हा दाखल केला आहे. याबाबत ४३ वर्षीय महिलेने फिर्याद दिली आहे. २०१८ ते १० मार्च, २०२२ या कालावधीत वडगाव शेरी परिसरात हा प्रकार घडला.

किरकोळ कारणावरून आरोपीने फिर्यादींना शिवीगाळ करून, पट्टा, लाकडी दांडके, फायटरने मारहाण केली. त्यानंतर, मोबाइलवरील अश्लील व्हिडीओ दाखवून अनैसर्गिक कृत्य केले. घडलेला प्रकार कोणाला सांगितल्यास जीवे मारण्याची धमकी फिर्यादींना दिली, तसेच सासू, सासऱ्यांनी घर बांधण्यासाठी माहेरून पाच लाख रुपये आणण्यास सांगितले. पैसे न दिल्यामुळे फिर्यादींना शारीरिक आणि मानसिक त्रास दिला. नणंद फिर्यादींबद्दल आरोपीला उलटसुलट सांगून भांडणे लावत होती, असे फिर्यादीत नमूद केले आहे. या प्रकरणी पतीला न्यायालयात हजर केले असता, गुन्ह्याच्या सखोल तपासासाठी त्याला पोलीस कोठडी देण्याची मागणी सरकारी वकील योगेश कदम यांनी केली.