उरुळी देवाची मध्ये दोन घरफोड्यापावणेदोन लाखाचा ऐवज लंपास

पोलीसांनी दिलेल्या माहितीनुसार, कुमार बाळू कर्चे ( वय. ३६, रा. उरुळी देवाची, ता. हवेली ) हे उरुळी देवाची ग्रामपंचायत हद्दीतील शिव शंभो पार्क येथे पत्नी, दोन मुले व एका मुलीसह राहतात. ८ डिसेंबर रोजी जेवण करुन रात्री साडे दहाच्या सुमारास सर्व जण झोपी गेले होते. पहाटे दिड वाजता त्यांना आवाज आला म्हणून ते जागे झाले. त्यावेळी बेडरूम मधील व तिजोरी उघडी दिसली. त्यांनी घराच्या बाहेर येऊन पाहिले असता मास्क, जर्किन व जीन पॅन्ट घातलेले तिघे जण अंधारात पळून जाताना त्यांना दिसले. त्यांनी घरात जाऊन पाहणी केली असता सोन्याचे गंठण, नेकलेस, चैन, झुमके, रिंगा, चांदीची जोडवी आदी दागिन्यांसह व १८ हजार रुपयांची रोकड रुपये रोख लंपास झाल्याचे त्यांच्या लक्षात आले. त्याच रात्री संगीता बाळू पवार ( रा. धनगर वस्ती, उरुळी देवाची ) यांच्या घरी ही चोरी झाली असून १८ हजार रुपयांचीरुपयांचे झुमके व अंगठी यासह ९००० रुपये रोख लंपास करण्यात आले आहेत. दोनही चोऱ्यामध्ये मिळून १लाख ८९ हजार रुपयांचा मुद्देमाल लंपास झाला आहे. याबाबत कुमार कर्चे व संगीता पवार दोघांनी फिर्याद दिली आहे.,