पुणे शहरात सोमवारी ४५ वर्षांवरील नागरिकांचे ६५ केंद्रांवर लसीकरण

ऑनलाईन बुकिंग सकाळी आठला सुरू होणार

ठळक मुद्देनागरिकांना नियमानुसार पहिला आणि दुसरा डोस मिळणार

पुणे: शहरात ४५ वर्षांवरील नागरिकांना कोरोना प्रतिबंधात्मक लसीच्या पहिल्या डोससाठी ऑनलाईन बुकिंग सोमवारी सकाळी आठ वाजता सुरू होणार आहे़. पुणे महापालिकेच्या ६५ केंद्रांवर याकरिता कोव्हिशिल्ड लस उपलब्ध राहणार असल्याची माहिती पुणे महापालिकेच्या वतीने देण्यात आली आहे़.  

कोव्हिशिल्ड लसीचा दुसरा डोस ८४ दिवस पूर्ण झालेल्यांनाच द्यायच्या या नियमामुळे लाभार्थी संख्या मर्यादित असल्या कारणामुळे, शहरात गुरूवारपासून (दि़२० मे) पुन्हा ४५ वर्षांवरील नागरिकांचे पहिल्या डोसकरिताचे लसीकरण सुरू करण्यात आले होते़. मात्र लससाठा संपल्याने, शनिवारी शहरात लसीकरण ठप्प झाले होते़.  मात्र शनिवारी रात्री महापालिकेकडे १३ हजार लस प्राप्त झाल्याने, त्यानुसार रविवारी लसीकरण करण्यात आले असून, सोमवारी शहरातील ६५ लसीकरण केंद्रांवर लस उपलब्ध करून देण्यात आली आहे़.  

सोमवारी उपलब्ध लसींच्या एकूण साठ्यांपैकी ६० टक्के लस या ऑनलाईन अपॉइंर्मेंट/ स्लॉट बुक केलेल्या नागरिकांनाचा त्याही ४५ वर्षांवरील वयोगटासाठी पहिला डोस म्हणून दिल्या जाणार आहेत़. तर २० टक्के लसीचे डोस हे ४५ वर्षांवरील नागरिकांना पहिला डोस ऑफलाईन (केंद्रांवर नोंदणी) पध्दतीने नोंदणी करून देण्यात येणार आहे़   याचबरोबर २० टक्के लस या पहिला डोस ८४ दिवसांपूर्वी (२४ फेब्रुवारीपूर्वी) घेतलेल्या नागरिकांना दुसऱ्या डोससाठी उपलब्ध राहणार आहेत़.