आज ९० लसीकरण केंद्रांवर लस उपलब्ध

पुणे : राज्य शासनाकडून महापालिकेला मंगळवारी दुपारी कोविशिल्ड व कोव्हॅक्सिन डोसचा पुरवठा झाल्याने, आज (बुधवार) शहरातील ९० लसीकरण केंद्रांवर कोविशिल्ड लस उपलब्ध राहणार आहे़ तर १४ ठिकाणी कोव्हॅक्सिन लसीचा दुसरा डोस दिला जाणार आहे़

महापालिकेने दिलेल्या माहितीनुसार, उपलब्ध लसीच्या साठ्यापैकी ६० टक्के लस ही आॅनलाईन बुकिंग करून अपॉईमेंट घेतलेल्या ४५ वर्षांवरील नागरिकांना पहिला डोस म्हणून दिली जाणार आहे़ तर २० टक्के लस ही ४५ वर्षे वयावरील हेल्थ केअर वर्कर, फ्र ंट लाईन वर्कर यांना लसीकरण केंद्रावर आॅन दी स्पॉट नोंदणी करून पहिला डोस म्हणून दिली जाणार आहे़

तसेच २० टक्के लस ही ४५ वर्षांवरील नागरिकांना की ज्यांनी ८४ दिवसांपूर्वी ( दि. २ मार्चपूर्वी) पहिला डोस घेतला आहे, त्यांना दुसरा डोस म्हणून देण्यात येणार आहे़

------------------

आॅनलाईन स्लॉट सकाळी आठ वाजता खुलणार

वय वर्षे ४५ वरील नागरिकांना पहिला डोस घेण्यासाठी आॅनलाईन स्लॉट बुकिंग करण्यासाठी आज सकाळी ८ वाजता आॅनलाईन स्लॉट ओपन होणार आहे़ प्रत्येक केंद्राला महापालिकेकडून १०० लसीचे डोस पुरविण्यात आले आहेत़

---------------

कोव्हॅक्सिनचा दुसरा डोसही उपलब्ध

ज्या नागरिकांनी २८ एप्रिलपूर्वी कोव्हॅक्सिन लसीचा पहिला डोस घेतला आहे, अशा नागरिकांना बुधवारी (दि. २६) दुसरा डोस उपलब्ध राहणार आहे़ कमला नेहरू रूग्णालय, राजीव गांधी रूग्णालय, सुतार दवाखाना यांसह १४ ठिकाणी कोव्हॅक्सिनचा दुसरा डोस उपलब्ध राहणार आहे़

------------------------