पाणीटंचाईने घेतला तरूणीचा बळी

विमाननगरमधील यमुनानगर झोपडपट्टीतील तरुणीचा पाणीटंचाईने बळी घेतला. यमुनानगर झोपडपट्टीत राहणाऱ्या राणी विजय गज्जम (वय २३) या

चंदननगर : विमाननगरमधील यमुनानगर झोपडपट्टीतील तरुणीचा पाणीटंचाईने बळी घेतला. यमुनानगर झोपडपट्टीत राहणाऱ्या राणी विजय गज्जम (वय २३) या आयटी कंपनीमध्ये काम करणाऱ्या तरुणीचे नाव आहे.
मागील २-३ महिन्यांपासून विमाननगरसह वडगावशेरी, खराडीला अतिशय कमी दाबाने पाणीपुरवठा होत आहे. त्यात विमाननगरमधील यमुनाननगर झोपडपट्टीतील नागरिकांना पाण्यासाठी वणवण फिरण्याची वेळ आली आहे. कमी दाबाने येणाऱ्या पाण्यामुळे राणी गज्जम नळाला मोटर लावून पाणी भरत असताना विजेचा धक्का लागला. यात तिचा जागीच मृत्यू झाला. ही घटना शुक्रवारी संध्याकाळी आठ वाजण्याच्या सुमारास घडली. शेजाऱ्यांनी तिला रुग्णालयात दाखल केले, मात्र तिचा मृत्यू झाला होता.
प्रशासनाने या समस्येकडे गांभीर्याने पाहण्याची गरज असल्याचे मत येथील नागरिकांनी व्यक्त केले आहे. (वार्ताहर)