व्हर्च्युअल सिम्युटेक, मेडीकोज संघांचे विजय

लोकमत न्यूज नेटवर्क

पुणे : कर्मा ९ स्पोर्ट्स आणि रेडबुल यांच्यातर्फे आयोजित कर्मा ९ टी-२० कॉर्पोरेट क्रिकेट स्पर्धेत साखळी फेरीत व्हर्च्युअल सिम्युटेक, मेडीकोज या संघांनी प्रतिस्पर्ध्यांचा पराभव करून विजयी सलामी दिली.

लिजेंड्स क्रिकेट मैदान येथे आठवड्याच्या शेवटी दर शनिवार व रविवार या दिवशी ही स्पर्धा खेळली जाते. स्पर्धेतील पहिल्या सामन्यात अजय चव्हाणच्या (३-२३) केलेल्या भेदक गोलंदाजीच्या जोरावर व्हर्च्युअल सिम्युटेक संघाने ट्रोजन्स संघाचा ५६ धावांनी पराभव करून शानदार सुरुवात केली. दुसऱ्या सामन्यात सागर वाघमारे (नाबाद ५० धावा व २-२६) याने केलेल्या अष्टपैलू खेळीच्या जोरावर मेडीकोज संघाने पुणे क्रिकेट अकादमी संघाचा ७ गडी राखून पराभव करत विजयी सलामी दिली.

सविस्तर निकाल : साखळी फेरी :

व्हर्च्युअल सिम्युटेक : २० षटकांत ६ बाद १८१ धावा, हिमांशू अगरवाल ४१, चंद्रकांत इनामदार नाबाद ३५, मयंक लांडगे २५, अमित जंगम १९, अमित सिंग १८, सुहास जगदाळे २-२४ वि.वि. ट्रोजन्स १९.३ षटकांत सर्व बाद १२५ धावा, गौरव उपाध्याय २७, सुहास जगदाळे २०, स्वप्नील आवळे १४, अजय चव्हाण ३-२३, पुरुषोत्तम खांदेबरड ३-१९, अमित सिंग १ -६; सामनावीर - अजय चव्हाण; व्हर्च्युअल सिम्युटेक संघ ५६ धावांनी विजयी

पुणे क्रिकेट अकादमी : १९.२ षटकांत सर्व बाद १२५ धावा, राज नवले ५३, ऋत्विक सातव १३, फरशे अन्सारी ३-६, प्रफुल मानकर ३-१४, सागर वाघमारे २-२६ पराभूत वि. मेडीकोज : १२.३ षटकांत ३ बाद १२६ धावा, आबिद शेख नाबाद ५७, सागर वाघमारे नाबाद ५०, राहुल किराड १-१६; सामनावीर - सागर वाघमारे; मेडीकोज संघ ७ गडी राखून विजयी.