Pune Water Supply: पुणे शहरातील 'या' भागात गुरुवारी पाणीपुरवठा बंद

शुक्रवारी उशिरा आणि कमी दाबाने पाणी पुरवठा केला जाणार

पुणे: वडगाव जलकेंद्रात देखभाल-दुरुस्तीचे काम केले जाणार असल्याने, गुरुवारी सिंहगड राेड व कात्रज, काेंढवा भागातील पाणीपुरवठा बंद राहणार आहे. या भागाला शुक्रवारी उशिरा आणि कमी दाबाने पाणी पुरवठा केला जाणार आहे.

महापालिकेच्या पाणी पुरवठा विभागाचे वडगाव जलकेंद्र, राॅ वाॅटर आणि राजीव गांधी पंपिंग स्टेशन येथे विद्युत, स्थापत्यविषयक देखभाल दुरुस्तीची कामे केली जाणार आहेत. यामुळे हिंगणे आनंदनगर, वडगाव, धायरी, आंबेगाव पठार, कात्रज, धनकवडी, दत्तनगर, भारती विद्यापीठ परिसर आणि काेंढवा बुद्रुक भागातील पाणी पुरवठा गुरुवारी बंद राहणार आहे.