बुधवारी २९५ बाधित, तर ३२१ रुग्ण झाले बरे

लोकमत न्यूज नेटवर्क

पुणे : शहरात बुधवारी दिवसभरात २९५ रुग्ण आढळून आले. तर, दिवसभरात ३२१ रुग्ण बरे झाले आहेत. विविध रुग्णालयातील ४५७ रुग्ण अत्यवस्थ असून दिवसभरात एकूण ९ रुग्णांचा मृत्यू झाला आहे. सक्रिय रुग्णसंख्या घटली असून हा आकडा २ हजार ७३८ झाला आहे.

उपचार घेत असलेल्या रुग्णांपैकी ४५७ जणांची प्रकृती चिंताजनक आहे. ७०३ रुग्ण ऑक्सिजनवर आहेत. दिवसभरात ९ मृतांची नोंद करण्यात आली आहे. कोरोनामुळे मृत्यू झालेल्यांची एकूण संख्या ८ हजार ५०१ झाली आहे. पुण्याबाहेरील ११ मृत्यूची नोंद करण्यात आली आहे. दिवसभरात एकूण ३२१ रुग्ण आजारातून बरे झाल्याने घरी सोडण्यात आले आहेत. आजारातून बरे झालेल्यांची एकूण संख्या ४ लाख ६३ हजार ६०१ झाली आहे. तर, एकूण रुग्णसंख्या ४ लाख ७४ हजार ८४० झाली आहे. सक्रिय रुग्णांची संख्या २ हजार ७३८ झाली आहे.

-------------

दिवसभरात विविध केंद्रांवर एकूण ९ हजार ९५४ नागरिकांची स्वॅब तपासणी करण्यात आली असून आतापर्यंत २५ लाख ९२ हजार ९२० रुग्णांची तपासणी करण्यात आली आहे.

-----------------

पुण्यातील कोरोनास्थिती

आज बाधित रुग्ण - २९५

आज घरी सोडले - ३२१

एकूण बाधित रुग्ण - ४,७४, ८४०

सक्रिय रुग्ण - २, ७३८

आजचे मृत्यू - ९

एकूण मृत्यू - ८, ५०१