लग्नाच्या आमिषाने विधवा भावजयीवर बलात्कार; पुण्यातील धक्कादायक घटना

पीडित ३३ वर्षीय महिलेने याप्रकरणी फिर्याद दिली आहे...

पुणे : लग्नाचे आमिष दाखवित विधवा भावजयीला पुण्यात घेऊन येत तिच्यावर बलात्कार केल्याचा प्रकार उघडकीस आला आहे. याप्रकरणी आराेपी दिरास हडपसर पाेलिसांनी अटक केली. पीडित ३३ वर्षीय महिलेने याप्रकरणी फिर्याद दिली आहे.

पीडित महिलेच्या पतीचे निधन झाले असून त्या दाेन मुलींसह माहेरी राहत हाेत्या. दरम्यान, पुणे येथे राहणाऱ्या दिराने तुमचा आणि मुलींचा सांभाळ करताे असे सांगून त्यांना फेब्रुवारी २०२१ मध्ये पुणे येथे आणले. पीडितेवर बळजबरीने अत्याचार करीत याबाबत कुठे वाच्यता केली तर तिला जीवे मारण्याची धमकी दिली. त्यानंतरही आराेपीने पीडितेला लग्नाचे आमिष दाखवून वेळाेवेळी अत्याचार केले.

पीडितेने लग्नाबाबत विचारणा केल्यानंतर वाद घालून लग्नास नकार दिला आणि पीडित महिलेसह तिच्या मुलींना घराबाहेर काढले असे फिर्यादीत नमूद आहे. याप्रकरणी तक्रार अर्जाची पडताळणी करून हडपसर पाेलिसांनी आराेपी दिरास अटक केली आहे. पुढील तपास सहायक निरीक्षक थाेरबाेले करीत आहेत.