शेतकऱ्यांकडून वायरमन परदेशी यांचा सन्मान

आव्हाळवाडी (ता. हवेली) गावामधील माळवाडीवस्ती येथील अंकुश हरपळे व बबन हरपळे यांच्या शेतातील विद्युत लाईटच्या पोलवरील तारा जमिनीपासून सहा ते सात फूट अंतरावर आल्या होत्या, त्यामुळे तेथील शेतकऱ्यांच्या जिवाला धोका निर्माण झाला होता. ग्रामपंचायत सदस्य शरद आव्हाळे यांनी वाघोली येथील महावितरण विद्युत कंपनीचे सहा. अभियंता गणेश श्रीखंडे यांच्याशी संपर्क करून तारा व्यवस्थित करण्याची मागणी केली होती. सहा. अभियंता श्रीखंडे यांनी तत्काळ दखल घेऊन वायरमन परदेशी यांना तारादुरुस्ती करण्याच्या सूचना दिल्या. यावेळी ग्रामपंचायत सदस्य शरद आव्हाळे, माजी सरपंच चंद्रकांत आव्हाळे, शेतकरी यशवंत सातव, कृषी गटाचे संस्थापक रामदास सातव, अध्यक्ष दिगंबर आव्हाळे, सचिव रमेश आव्हाळे, युवा गणेश आव्हाळे, राहुल जाधव, चेअरमन रवी जाधव, शिवाजी हरपळे, योगेश हरपळे आदी उपस्थित होते.

फोटो