शेजारच्यांच्या त्रासाला कंटाळून महिलेची आत्महत्या

अनिता संभाजी पडवळ (वय ४७, रा. अष्टविनायक रेसिडेन्सी शेजारी, खोडद रोड, नारायणगाव) असे आत्महत्या केलेल्या महिलेचे नाव आहे. तर राहुल गंगाधर दुशिंग, रूपाली राहुल दुशिंग, प्रवीण गंगाधर दुशिंग, राजश्री प्रवीण दुशिंग, गंगाधर भागाजी दुशिंग यांच्यावर आत्महत्येस प्रवृत्त केल्याप्रकरणी गुन्हा दाखल करण्यात आला आहे. या बाबतची फिर्याद विशाल संभाजी पडवळ यांनी दिली. दुशिंग कुटुंबीय हे शेजारी राहणारे अनिता पडवळ यांना किरकोळ कारणांवरून टोमणे मारणे, मारहाण करून शिवीगाळ, दमदाटी करून मानसिक त्रास देत होते. हा त्रास असह्य झाल्याने अनिता या १८ जुलेैपासून कुणालाही काही न सांगता घरातून निघून गेल्या होत्या. पडवळ कुटुंबीयांनी अनिता यांचा शोध घेतला असता त्यांचा मृतदेह पाटे - खैरे मळा येथील एका विहिरी आढळून आला. त्या अनिता पडवळ यांनी दुशिंग कुटुंबातील ५ जणांच्या नावाने त्रासाला कंटाळून आत्महत्या करीत असल्याची चिठ्ठी लिहिल्याचे आढळून आले आहे.

फोटो - अनिता पडवळ