युवकांनी रोहिडेश्वर किल्ल्यावर केली स्वच्छता

बाजारवाडी येथे असलेल्या रोहिडेश्वर किल्ल्यावर बाजारवाडी गावातील युवकांनी किल्ल्यावर जाऊन साफसफाई केली असल्याची माहिती बाजारवाडीचे सामाजिक कार्यकर्ते गोरख मानकर यांनी दिली.

बाजारवाडी (ता. भोर) गावचे युवक ऋषिकेश शिंदे, शुभम शिंदे, शुभम पोळ, ईश्वर पोळ, सौरभ पोळ, दीपक पोळ, प्रतीक पोळ, ओंकार पोळ, अक्षय शिंदे, संकेत शिंदे, अलंकार शिंदे यांनी एकत्र येऊन रोहिडेश्वर किल्ल्यावर असणारे झाडे यांना पाणी साठण्यासाठी झाडांभोवती आळी केली, कचरा गोळा केला. तसेच किल्ले परिसरातील प्लास्टिक गोळा करून जाळले, झाडांना मातीची भर घातली असल्याचे गोरख मानकर यांनी सांगितले.

रोहिडेश्वर किल्ल्यावरील झाडांना आळी करताना बाजारवाडीचे युवक.

(छाया:- स्वप्नीलकुमार पैलवान )