शिवजयंती निमित्तानं तरुणांची नागपूर ते रायगड सायकल भ्रमंती

श्रीक्षेत्र तुळापूर (ता. हवेली) येथे छत्रपती संभाजी महाराज स्मृतिस्थळावर सायकल मोहीम उत्साहाने दाखल झाली. छत्रपती संभाजी महाराज पुतळ्यास पूजा-अभिषेक करून अभिवादन केले. येथील इतिहास समजून घेतला. माजी उपसरपंच संतोष शिवले यांनी प्रास्तविक व स्वागत केले. माजी सरपंच अनिल होले व माजी सरपंच अनिल चोंधे, तेजस जोगडे, विजय वाळुंज, दत्तात्रय लोखंडे उपस्थित होते. अल्पोपाहार व विश्रांती घेऊन सायकल मोहीम पुढे मार्गस्थ झाली.

नागपूर येथून सात मुली व पाच मुले मार्गस्थ झाले. पहाटे पासून ते दुपारपर्यंत प्रवास सुरू. त्यानंतर दुपारी विश्राती आणि त्यानंतर पुन्हा प्रवास अन् रात्री मुक्काम असे करत पहिला टप्पा पूर्ण केला. शिरूर शहरात दाखल झाल्यावर अनेक सामाजिक संघटनांच्या वतीने स्वागत करण्यात आले. यावेळी विविध संस्था संघटनांच्या वतीने सिध्दीच्या पहाडावर वृक्षारोपण करण्यात आले तसेच शिरुर नगर परिषदेच्या नगरसेविका रोहिणी बनकर यांजकडून ड्रायफ्रुटचे पॅकेट देण्यात आले.

याप्रसंगी महात्मा फुले समता परिषदेचे किरण बनकर, नगरसेवक संदीप गायकवाड, अनिता कालेवार, सिध्देश्वर वृक्षसंवर्धन समितीचे तुषार वेताळ, डॉ. अतुल कुमार बेंद्रे, डॉ. सुरेंद्र ढमढेरे, लक्ष्मण डोके , माऊली थिटे , भगवान थोरात , रहमान शेख , राजेश जोशी, राज वारजे, अमोल शिंदे , राजेंद्र खेतमाळीस व इतर अनेक कार्यकर्ते स्वागत व शुभेच्छा देण्यासाठी उपस्थित होते .

३१ लोणीकंद