राशीभविष्य - १४ मे २०२२: मकर राशीच्या लोकांना यशाची भरारी घेता येणार, पाहा काय म्हणते तुमची राशी?

Horoscope : जाणून घ्या कसा असेल तुमचा आजचा दिवस...

मेष- ग्रहमानाची अनुकूलता हळूहळू तुमच्या बाजूने होईल. महत्त्वाच्या कामांना सूर्यास्तानंतर गती मिळेल. तोपर्यंत कामाची पूर्वतयारी करून ठेवा. थोडा संयम ठेवलेला बरा जीवनसाथी चांगली साथ देईल. मनासारखे भोजन मिळेल. धार्मिक कार्यात सहभागी व्हाल.

वृषभ - मुलांच्या यशाच्या वार्ता कळतील. मात्र, त्याच्याशी संवाद साधून त्यांना योग्य मार्गदर्शन करणे आवश्यक आहे. आरोग्याची काळजी घ्या. महत्त्वाचे काम सूर्यास्ताच्या आत उरकून घ्या. प्रवासात दगदग होईल. आर्थिक आवक चांगली राहील. भेटवस्तू मिळतील.

मिथुन - दिवस धावपळीचा जाऊ शकतो. काहींना प्रवास करावा लागेल. प्रवासात दगदग होईल. मुलाची काळजी घ्या. त्याचे म्हणणे एंकून घेण्यासाठी वेळ पा. एखादी अनपेक्षित वार्ता कानावर पडेल. नातलगाच्या भेटीगाठी होतील, नोकरीत बदल होऊ शकतो.

कर्क - कामात उत्साह राहील. नातेवाइकांच्या भेटीगाठी होतील. एखाद्या कार्यक्रमात सहभागी व्हाल. जवळचे प्रवास करावे लागतील. नोकरीत कामाचा ताण वाढेल. तुमचे महत्त्व वाढेल. काहींना नवीन जबाबदारी घ्यावी लागेल. आर्थिक आवक चागली राहील.

सिंह - धनप्राप्तीचे योग आहेत. जुनी येणी वसूल होतील. खाण्या पिण्याची मौज राहील. प्रवासाचा बेत ठरेल. नोकरीत चांगली परिस्थिती राहील, तुम्हाला महत्त्व प्राप्त होईल. मात्र कुणाला दुखवू नका. धार्मिक कार्यात मन रमेल. मुलाशी संवाद साधा.

कन्या - अनुकूल परिस्थिती राहील, नवीन संधी मिळेल. विविध प्रकारचे लाभ होतील. मनात आनंदी विचार राहतील. आवडत्या व्यक्तीच्या सहवासात याल. खाण्या पिण्याची चंगळ राहील. मात्र जपून खा. नाही तर पोटाचा त्रास होईल. नोकरीत सामान्य परिस्थिती राहील.

तूळ - काहींना प्रवास करावा लागेल. धार्मिक कार्यात सहभागी व्हाल, महत्त्वाचे काम सूर्यास्ताच्या नंतर हाती घ्या. तसेच सबुरीने वागण्याची गरज आहे. व्यवसायात वादाचे प्रसंग टाळा. जीवनसाथीशी वाद घालू नका. प्रेम प्रकरणात जपून पावले टाका.

वृश्चिक - आर्थिक आवक मनासारखी राहील. प्रवासाचा योग येईल. चांगल्या संधी चालून येतील. महत्त्वाचे निरोप येतील, अनावश्यक खर्च करण्याकडे कल राहील. महत्त्वाचे काम सूर्यास्ताच्या आत उरकून घ्या. त्यानंतर वेळ व पैसा जास्त प्रमाणात खर्च होईल.

धनू - शुभवर्तमान कळेल. ग्रहमान अनुकूल राहील. महत्त्वाचे काम सहजासहजी मार्गी लागेल. धनलाभाच्या दृष्टीने अनुकूल काळ आहे. प्रवास घडून येतील. प्रवासात सतर्क राहा. अनोळखी लोकांशी सावधपणे व्यवहार करा. नोकरीत अनुकूल परिस्थिती राहील.

मकर - यशाची भरारी घेता येईल. मात्र सूर्यास्ताच्या आत महत्त्वाचे काम करून घ्या. नोकरीत आपले वर्चस्व प्रस्थापित करण्यात यश मिळेल. मात्र थोडी दगदग होईल. कामात काही बदल होतील. धनलाभाच्या दृष्टीने अनुकूल काळ आहे. प्रवासाचे योग आहेत.

कुंभ - दगदग होईल, अशी कामे करू नका, महत्त्वाचे काम संध्याकाळच्या नंतर हाती घ्या. प्रवासात दगदग होईल, वाहने जपून चालवा. आर्थिक आवक चागली राहील. जमिनीच्या व्यवहारात फायदा होईल. मनासारखे भोजन मिळेल.

मीन - व्यवसायात अनुकूल परिस्थिती राहील. भागीदाराचे सहकार्य मिळेल. जीवनसाथी आपल्याला चांगली साथ देईल. महत्त्वाचे काम सूर्यास्ताच्या आत उरकून घ्या. प्रवास शक्यतो टाळा. खर्चाचे प्रमाण वाढते राहील.