राशीभविष्य - 3 फेब्रुवारी 2022: नोकरीत सावधपणे कामे करा, तुमच्या राशीला मोलाचा सल्ला

Horoscope : जाणून घ्या कसा असेल तुमचा आजचा दिवस...

मेष - कुणाला उसने पैसे देताना विचार करुन द्या. जोडीदार आपल्याला चांगली साथ देईल. कामानिमित्त प्रवास घडून येईल. सार्वजनिक कार्यात सहभागी व्हाल. तुमच्यावर मोठी जबाबदारी पडू शकते. घर खरेदीसाठी कर्ज हवे असल्यास काम होईल. 

वृषभ - कामात उत्साह राहिल, व्यवसायात अनुकूल परिस्थिती राहील. नोकरीत सावधपणे व्यवहार करा. कायदेशीर कामे सावधपणे करा. आर्थिक आवक चांगली राहिल. जुनी येणी वसुल होतील, जीवनसाथीशी सूर जुळतील. मन प्रसन्न राहील. 

मिथून - दूरचे प्रवास घडतील, पर्यटनाच्या निमित्ताने फिरणे होईल. प्रवासात सतर्कता बाळगली पाहिजे. तब्येतीकडे दुर्लक्ष करू नका. समाजसेवा करण्यासाठी वेळ द्याल. धंद्यात मनासारखी उलाढाल करता येईल. प्रलंबित कामे पूर्ण होतील. एखाद्या सौद्यात फायदा होईल. 

कर्क - महत्त्वाचे काम पुढे ढकलणे ठिक राहिल, अन्यथा वेळ आणि शक्ती खर्च होईल. प्रवासात दगदग होईल. कायद्याची बंधने पाळा, जुने मित्र-मैत्रिणी यांच्या भेटी होण्याची शक्यता. त्यांच्यासमवेत मजेत वेळ जाईल. आपल्या प्रयत्नांची प्रशंसा होईल. 

सिंह - गृहसौख्यात अडचणी येतील. थोडे नाराजी वातावरण राहिल. संयमाने वागणे आवश्यक आहे. आरोग्याची काळजी घ्या. सार्वजनिक कार्यक्रमात सहभागी व्हाल. विद्यार्थ्यांना उल्लेखनीय यश मिळेल. त्यांचे सर्वत्र कौतुक होईल. 

कन्या - महत्त्वाचे काम पुढे ढकलणे इष्ठ ठरेल. कागदोपत्री पूर्तता करण्यासाठी आटापिटा करावा लागेल. नोकरीत सहकाऱ्यांशी मतभेद होतील. हितशत्रू कारवाया सुरू ठेवतील. जुने मित्र भेटतील. कुणाचे मन दुखवू नका. आर्थिक आवक चांगली राहिल. 

तूळ - नशिबाची अनुकूलता तुमच्या बाजूने राहिल. पर्यटनाच्या निमित्ताने प्रवास होईल. नोकरीत प्रगतीच्या दिशेने वाटचाल सुरू राहिल. मुलांना यश मिळेल. आर्थिक आवक बऱ्यापैकी राहिल. महत्त्वाच्या बातम्या कानावर पडतील. मनात आनंदी विचार राहतील. 

वृश्चिक - घरात आनंदी वातावरण राहिल. लोकांची ये-जा राहिल. गृहिणींची धांदल उडेल. कुटुंबातील सदस्यांमध्ये धांदल उडेल. कुटुंबातील सदस्यांमध्ये समन्वय राहिल. विविध मार्गांनी धनप्राप्ती होईल. व्यवहारात यश मिळेल. कामात व्यस्त राहावे लागेल. मुलांच्या अडचणी समजून घ्या. त्यांना योग्य मार्गदर्शन करा. 

धनू - जीवनसाथीशी मधुर संबंध राहतील. जमिनीच्या व्यवहारांना गती मिळेल. व्यवसायात बरकत राहिल. प्रवासाचे योग येतील. जोडीदारांकडून भेटवस्तू मिळतील. घरातील सदस्यांसाठी वेळ दिला पाहिजे. नातेवाईकांच्या भेटी होतील. काहींना प्रवास करावा लागेल. 

मकर - नोकरीत मेहनत जास्त करावी लागेल. मुलांच्या प्रगतीचा आढावा घ्या. त्यांना योग्य मार्गदर्शन करा. जमीन व्यवहारात यश मिळेल. मात्र, व्यवस्थित माहिती घेतली पाहिजे. महत्वाच्या प्रकल्पावर तुमच्या नावाचा विचार केला जाईल. सहकारी मदत करतील.

कुंभ - आर्थिक आवक चांगली राहिल. विविध प्रकारचे लाभ होतील. गृहसजावटीकडे लक्ष द्याल. जोडीदार आपल्याला चांगली साथ देईल. पूजापाठ करण्यासाठी वेळ द्या. वाहनांच्या दुरुस्तीकडे वेळीच लक्ष द्या. आरोग्याची काळजी घ्याल. 

मीन - नोकरीत अनुकूल घटना घडतील. मात्र, एखाद्या कारणावरुन कुरबूर होईल. महत्त्वाचे काम शक्यतो पुढे ढकला. धार्मिक कार्यासाठी प्रवास करावा लागेल. अनावश्यक खर्चाला आवर घातला पाहिजे. व्यवसायात बरकत राहिल.